Guernica (cuadro)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
|
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Guernica | |
|---|---|
 Reproducción d'o cuadro en Guernica | |
| Quatrón informativo | |
| Pintor | Picasso |
| Anyo | 1937 |
| Estilo artistico | Cubismo |
| Tecnica pictorica | Olio sobre lienzo |
| Dimensions | 351 x 776 cm |
| Localización | Museo Nacional Centro de Arte Reina Sofía (Museu Nacional Centro d'Arte Reina Sofía) Madrit, Espanya |
O Guernica ye o nombre d'un famoso cuadro de Pablo Picasso, que tien como enchaquia o bombardeyo de Guernica sobre a ciudat basca de Gernika-Lumo mientres a Guerra Civil Espanyola. O Gubierno d'a Republica Espanyola encargó a Picasso un cuadro que emperifolla-se o Pabillón Espanyol mientres a Exposición Internacional de 1937 en París. Picasso realizó un cuadro cubista exprisando a suya visión d'o bombardeyo y lo clamó Guernica. Ha pasato a estar una obra sinyalera.
O cuadro se prencipió l'1 de mayo de 1937 fendo bels estudios previos. O 8 de mayo se i ficoron as feguras d'a mai y o caballo. L'11 de mayo prencipió a tela finitiva que remató o 4 de chunio.
O Guernica de Picasso amuestra personas, animals y edificios estricallatos per a violencia y o caos cheneratos per as bombas. Ta muitos, iste cuadro reflecta a inhumanidat, bestieza y crueleza d'a guerra.
L'austeridat cromatica ye a consonante con o tema d'o cuadro. A primera imachen que Picasso veyió d'o bombardeyo estió a traviés d'os diarios franceses, o que propicia a teoría de que plasmó a horror que él preixinó, reflectando-lo con tonos negros y blancos.
A suyo composición apresta as feguras a modo de "friso" de templo griego, con un encuadramiento triangular d'as mesmas. A mirada diagonal d'a muller d'o cobaixo a la ezquierda empenta a uellada d'o espectador de dreita ta ezquierda, rematando en o quinque y a bombiella superiors.
Actualment se troba en esposición permanent en o museu Reina Sofía de Madrit, Espanya.
Historietas arredol d'o cuadro
[editar | modificar o codigo]- Diz a falordia que en 1940, con París ocupata per os nazis, un oficial alemán, debant d'a foto d'una reprodución d'o Guernica, li preguntó ta Picasso que si yera él qui l'heba feito. O pintor li dició: «No, han estau vustés».
- Diz que cuan Dolores Ibárruri, "A Pasionaria", veyió o cuadro en o Casón d'o Buen Retiro (Casón del Buen Retiro), dició con una voz queda y baixa: «A Guerra Civil ha rematato».
- Cuan o cuadro s'esposó en Nueva York, os treballadors que participaban en o armato d'as obras d'a exposición (a mayoría ni sisquiera conoixeban t'o pintor), se sacoron os cascos de protección en sinyal de veneración y d'admiración.
Datos: Q175036
Multimedia: Guernica (Pablo Picasso) / Q175036