Gramenal

De Biquipedia
Ir a la navegación Ir a la búsqueda
Un gramenal en a costa.

Un gramenal[1] u agramenal ye una extensión herbacia en a qual a especie predominant ye o gramen.[1]

Os gramenals se forman en puestos degradaus, freqüentment por a man de l'hombre. O gramen ye una hierba de creiximiento rapedo y propagación vechetativa, o que l'aduya a colonizar grans extensions de terreno antes que a resta d'especies de hierba.

O gramen suporta la sequera y graus de salinidat mas altos que muitas atras especies, por o que os gramenals persistents (aquellos a on que atras especies superiors tardan tiempos en colonizar, u nian nunca gosan fer-lo) pueden trobar-se en puestos exposaus a o viento (como as estivas de montanya) u aman d'a ribera d'a mar. Tamién ye una d'as pocas plantas que colonizan bien l'arena, por o que puede fer-se gramenals sobre dunas costeras.

Referencias[editar | editar código]

  1. 1,0 1,1 (an) VIDALLER TRICAS, Rafel (2004), Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza. ISBN 978-84-8986-235-7

Vinclos externos[editar | editar código]