Garmo

De Biquipedia
Ir a la navegación Ir a la búsqueda
Garmo Negro a la cucha chunto a o pico de ras Argualas (dreita)

Un garmo u repunta ye una penya, morronet u punta altera que ye penchada en a vesant d'un mont, por debaixo d'a cima prencipal. Por un regular ye arrodiau de penyas y garrotz y gosa haber-ne dencima una planereta de tasca, tamién dita arguala, asobén fiera y de prou mal acceso, emplegada ta paixentar o ganau menudo.

O garmo ciego ye aquell que no'n tien de dentrada ni de salida, por o que no ye guaire fácil i plegar ni salir-ne, ya que cal fer-lo ensogau. Quan un animal dentra en un garmo u zona de dificil acceso, s'engarma y ta quitar-lo o pastor ha de desengarmar-lo.

Bibliografía[editar | editar código]