Fustigo

Un fustigo en posicions d'ubierto y de zarrau.

En Sobrarbe, un fustigo ye un tipo de zarrapico simple, feito con una punta y un taco de madera que se fa chirar.

Lo regular ye que sía clavau contra l'aro que refirma o pano d'una puerta, un ventanuco u bel caixón, por o costau por an que s'ubre, d'una traza tal que en bel inte de a vuelta d'él, o taco priva que a puerta se pueda ubrir.

Ye una d'as formas mas simples y primitivas de zarrallo que i puede haber. Se'n troba en o mobiliario rustico, en os ventanucos d'as bordas, en as puertas de gavia de bel animal, etc. Rudolf Wilmes documentó que tamién se deciba asinas o zarrapico d'alzar a mesa d'as cadieras tradicionals de Vallivió, que s'abaixaba dende o respaldo.

Se veiga tamién

• Zarrallo.
• Zarrapico.
• Tranca.

• Datos: Q110099750