Flotador

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Flotadors en una placha

Un flotador ye una pieza en forma d'aro fabricada d'un material lichero y que sirve pa mantener en flotación a una persona ficada en o suyo interior.

Os flotadors se fabrican en materials lichers como o zuro u plastico. En o primer d'os casos se tracta d'una pieza compacta que no se funde a causa d'as propiedatz d'a suya materia prima. En o segundo, consiste en una funda plastica en a que se mete l'aire permitindo d'ista manera que salga l'augua.

O flotador de plastico consiste en dos capas simetricas d'iste material, una d'as qualas contiene una valvula por a quala s'insufla l'aire. As dos piezas son selladas, de manera que puet contener una cambra d'aire en o suyo interior. Os flotadors de plastico son emplegaus en a placha u en a piscina quan os ninos encara no han aprendiu a nadar. S'utilizan insulflando aire a traviés d'a valvula y posando-los arredol d'o cuerpo d'o nino porque iste quede flotando sobre l'augua. Se presentan en una gran variedat de colors y midas, beluns representando qualques feguras como animals, pneumaticos u vehiclos.

Os flotadors de zuro se troban en entornos nauticos asinas como en embarcacions y constituyen equipos d'emerchencia por si una persona caye a l'augua.

Flotador nautico

Hidroavión DHC-6 Twin Otter, con os suyos dos grans flotadors.

Tamién se diz flotadors a os dispositivos hidrodinamicos d'un catamarán u a os ubicaus baixo o fuselache que permiten a flotabilidat d'un hidroavión. En os hidroavions de tipo hidrocanoa son situaus en as alas, y o suyo obchectivo no ye tanto aduyar a la flotabilidat, ufierta mas que mas por o mesmo cuerpo de l'aeronau, sino a l'equilibrio lateral.

Se veiga tamién

• Se veigan as imachens de Commons sobre os flotadors.
• Salvavidas