Farsalia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Farsalia | |
|---|---|
 | |
Información cheneral
| |
| Autor | Marco Anneu Lucán |
| Chenero literario | Epopeya |
Versión orichinal en latín
| |
| Títol orichinal | Pharsalia |
| Estato |  Imperio Romano
|
Farsalia ye una epopeya de 10 cantos sobre a guerra civil entre Chulio César y Pompeyo, escrito por Marco Anneu Lucán. O Canto VI ye conoixiu por estar o documento mas completo que i hai sobre necromancia en l'Antigüedat.
Conteniu
[editar | modificar o codigo]Marco Anneu Lucán s'heba proposau de tornar a l'antiga tradición romana d'a epopeya historica, pero decidiu a no deixar intervenir garra elemento marabilloso y irracional, lo cual s'oposaba a las corrients contemporanias que seguiban o modelo virchilián de narración lechendaria y mitolochica, recibió por ista causa una dura critica por parte de Petronio en o suyo libro Satiricón, an, por boca d'Eumolpo, se sinyala que no se pueden poetizar feitos como a guerra civil sin conoixencias serias. Contino, Eumolpo improvisa un canto de bels 300 versos, d'imitación virchiliana, como eixemplo de cómo ha d'estar ista mena de composición.
En o prochecto inicial, Lucán pretendeba levar a suya relación historica versificata dica a muerte de Chulio César u a Batalla de Filipos, pero os suyos plans quedoron sin rematar. Asinas, a obra, tal como ha plegau dica nusatros, ye composada por 8.000 hexametros en diez libros. O deceno s'interrumpe en o verso 546. Os primers tres libros, dedicaus a Nerón, amaneixioron en vida de l'autor. Os atros se publicoron posthumament a causa d'a prohibición de l'emperador, que clarament distinguiba en éls os motivos antimonarquicos.
Cualques criticos veyen iste poema como una visión antiimperial en a cual Lucán se'n fa la mofla de Nerón.
