Simptoma
En medicina, un simptoma (d'o griego antigo σύμπτωμα "accident, astrugancia, revesada") ye la referencia subchectiva que da un malauto per a percepción u cambio que puede percibir como anomalo u causau per un estau patolochico u malautía.
O termin simptoma s'oposa a lo signo clinico, que ye un dato obchetivable.[1] O simptoma ye un aviso util que la salut puede estar menazada per bella cosa psiquica, fisica, social, u una combinación.
Eixemplos de simptomas son a distermia, u sensación de tener un trastorno d'a temperatura corporal (sensación de calentura, escaldafríos), amagos, ansias, a dolor, a somnolencia, etc.
Referencias[editar | modificar o codigo]
- ↑ (en) Word of the Week: Signs vs. Symptoms en verywellhealth.com