Estau d'a materia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste diagrama amuestra la nomenclatura ta las diferents transicions entre fases.

Os estaus d'a materia son as distintas formas u diferents fases que puet tener a materia. Historicament, a distinción se feba basando-se en as propiedaz cualitativas. Asinas o solido ye o estau en que a materia mantiene un volumen y forma fixa; o liquido ye o estau en que a materia mantiene un bolumen fixo, pero s'adapta a la forma d'o suyo contenedor; y o gas ye o estau en que a materia s'espande y ocupa cualsiquier volumen disponible.

Autualment as distincions entre estaus se fan basando-se en diferencias entre as interrelacions moleculars. O solido ye o estau en o que as atraccions intermoleculars fan que as distancias entre moleculas sían fixas. O liquido ye o estau en que as atracions intermoleculars mantienen a las moleculas amanadas, con unas distancias entre ellas cuasi invariants, pero permiten que istas se muevan. O gas ye o estau en que as moleculas son prou deseparadas y as relacions intermoleculars tienen un chicot efecto en os suyos movimientos. O plasma ye un gas muit ionizau, lo que ocurre a altas temperaturas. As fuerzas intermoleculars creyadas por atraccions y repulsions ionicas dan a istas composicions diferents propiedaz, ye por ixo que o plasma se describe como lo cuatreno estau d'a materia.

• Datos: Q11430
• Multimedia: States of aggregation / Q11430