Ernest Rutherford

Ernest Rutherford, naixito de Brightwater (Nueba Zelanda) o 30 d'agosto de 1871 y muerto en Cambridge (Cambridgeshire, Anglaterra, Reino Unito) o 19 d'octubre de 1937, estió un fesico y quimico neozelandés, considerato o pai d'a Fesica nucleyar. Estió o descubridor d'as particulas alfa y d'as particulas beta; descobrió tamién que a radioautibidat encluye a desintegrazión d'os elementos quimicos, rezebiendo asinas un Premio Nobel de Quimica en 1908. Tamién estió Rutherford qui almostró a esistenzia d'un nuclio atomico, en o cual se conzentra a carga positiba y a mayor parte d'a masa d'o atomo, y qui logró a primera transmutazión artifizial.

Si mientres a mayor parte d'a suya bida Rutherford se dedicó casi esclusibamenr a la imbestigazión, a segunda mitad d'a suya bida se dedicó a enseñar y a dirichir o laboratorio Cavendish en Cambridge, a on se i descubrió o neutrón y a on se i formoron os fesicos Niels Bohr y Robert Oppenheimer. Asinas, a suya figura tien una gran importanzia en o campo d'a Fesica nucleyar.

Rutherford estió president d'a Royal Society (1925-1930), y en 1922 rezibió a Medalla Copley. Tamién estió miembro de l'Academia Pontifizia de Zenzias.

Enrastres externos

• Se veigan as imáchens de Commons sobre Ernest Rutherford.