Arqueolochía

Escabazión arqueolochica d'Atapuerca

L'arqueolochía ( d'o griego: archaios, 'biello' u 'antigo', y logos, 'zenzia') ye a zenzia que estudia as soziedaz que han esistiu istoricamén, a trabiés d'as suyas restas materials, sigan istas l'arte, os molimentos, u cualsiquier atro obcheto creyato por l'ombre, asinas como lo impauto de l'azión umana sobre o suyo meyo ambién.

A rechira arqueolochica ha estau relazionada alazetalmén á la Preistoria y a l'Antigüidá; sin dembargo, mientres as zagueras decadas a metodolochía arqueolochica s'ha aplicau á etapas más reziéns, como a Edá Meya u lo periodo industrial. En l'autualidá, os arqueologos á begadas meten ficazio á materials autuals, rechiran repuis urbans, con lo que ye naixendo la clamada arqueolochía industrial.

L'arqueolochía preba de definir arias y epocas con cultura uniforme, definindo culturas como por exemplo a cultura de la Tène. Por o que fa a o territorio peninsular bi ha exemplos de culturas arqueolochicas como a cultura iberica y a cultura zeltiberica. Plantilla:Destacato