Constitución

Constituzión d'os Estatos Unitos

Una constituzión ye un sistema, á sobén un decumento escrito, que establexe os regles e os prenzipios que gubiernan una organizazión u una entidat politica. En o caso particular d'os Estatos, una constituzión ye a norma churidica fundamental que define a estrutura, os prozedimientos, as prerrogatibas, dreitos e responsabilidaz d'o gubierno e d'os ziudadans. Antis d'a eboluzión d'as constituzions nazionals modernas, o termín "constituzión" feba referenzia á cualsiquier lai important que determinaba o funzionamiento d'un gubierno.

D'as constituzions, se'n fa uso en muitas organizazions, ya sía en organizazions supranazionals, os Estatos e lurs dibisions almenistratibas constituyents, asinas como en os partitos politicos, os sindicatos e as organizazions no gubernamentals. As ordens relichiosas se richen tamién por constituzions aprobatas por a Santa Seu.