Diferencia entre revisiones de «Cancro (constelación)»
manca a plantilla de poder cambeyar |
m Bot: Cambeyo grafia (Constelacions) |
||
Linia 63: | Linia 63: | ||
[[Categoría:Astronomía]] |
[[Categoría:Astronomía]] |
||
[[Categoría: |
[[Categoría:Constelacions]] |
||
[[ang:Crabba (stēorran)]] |
[[ang:Crabba (stēorran)]] |
Versión d'o 13:43 18 mar 2010
Cáncer | |
Nombre en latín | Cancer |
Alcorzamiento | Cnc |
Simbolo | |
Chenitibo | Cancri |
Sinificato en aragonés | o candrexo |
Aszensión reuta | 9 h |
Declinazión | 20° |
Bistero ta latituz | entre -60° e +90° |
Millor bisibilidá en | marzo |
Aria total | 506 graus cuadratos |
Lumero d'estrelas con magnitú aparén < 3 | 0 |
Estrela más luminosa - Magnitú aparén | Al Tarf (β Cnc) 3.5 |
Plebia de meteoritos | |
Constelacions con que muga |
|
Cáncer (o cangrillo) ye una de as constelacions d'o zodiaco, situata entre a constelación de Cheminucos á l'Ueste e a de Leo á l'Este. Á lo Norte, se troba la constelacion de Lupo cerbal. Á lo Sud, a d'o Can menor e la d'Hidra.
A constelación tamién da o suyo nombre á lo Tropico de Cáncer.
Caracteristicas e obchectos
Ista constelación ye chiqueta e sin estrelas guaire luminosas; α Cancri nomás que tiene una magnitú 4.2. Cáncer ye conoixita ta muitos aficionatos á l'astronomía como la constelación an que se troba Praesepe (M44), o presepe u presepera, un carrazo estelar ubierto an bi ye a estrela η Cancri, que puede alufrar-se con uns prismaticos. O Presepe abraca más d'un grau cuadrato, alufrando-se á simple güello como una luz difusa. Dintro d'o Presepe, encara que dezaga d'él bien luen, bi ha un grupo de galacsias que pertenix á lo carrazo de Coma-Virgo, visibles que con telescopios meyanos. D'altros ochetos d'o cielo profundo que se troban en Cáncer son M67, un carrazo estelar ubierto bien biello, conoixito dende tiempos antigos, e NGC 2775, una galacsia espiral de magnitú 11.3. En una nueit clara, pueden alufrar-sen á güello en a constelación bellas 50 estrelas. A estrela zeta d'a constelación ye una estrela triple.
Mitolochía
A constelación retraye vagamén a fegura d'un cangrillo, o que, chunto con a constelación d'Idra, podría dar orichen á lo mito de l'Idra de Lerna, un d'os Doze Treballos d'Eracles con que s'asozía.
Tamién se diz de Cáncer que estió lo puesto ta o Sol acadio d'o Sud, puede estar que per a suya posición ta o solsticio d'ibierno en l'antiguidá. Dimpuesas s'asociaría con o cuatreno mes, duzu, o paso de chunio á chulio en o calendario occidental moderno, e se conoixería como la Puerta Norte d'o Sol.
Con tan pocas estrelas, estando istas tan poco luminosas, Cáncer yera á ormino bisto como un "Sino Escuro", descrito como negro e sin güellos. Dante en fa referencia en o canto XXV d'o suyo Paradiso:
- Poscia tra esse un lume si schiarì
- sì che, se ’l Cancro avesse un tal cristallo,
- l’inverno avrebbe un mese d’un sol dì.
- (Dimpuesas una luz entre éls lociba
- que si Cáncer tenese tal cristal,
- lo ibierno habría un mes d'un solo día.)
Historia d'o nombre
O nombre en sanscrito d'ista constelación estió Karka e Karkata; en tamil, Karkatan, e en singalés, Kathaca. Os indians posteriors la conoixioron como Kulira, d'o griego Κολουρος (Koluros), o vocable dato per o filosofo Proclo.
Arato la clamó Καρκινος (Karkinos), nombre que continó con Hiparco e Ptolomeu. A forma latinizata, Carcinus, aparixió en as Tablas Alfonsinas de Toledo. Eratostenes estendilló lo nombre á Καρκινος, Ονοι, και Φατνη (Cangrillo, Burros e Presepe).
O nombre de Litoreus (que habita la costa) ye de Manilio e d'Ovidio. Belaltros escritors clasicos en dicen Astacus e Cammarus. Nepa aparix en o De Finibus de Cicerón, e en as obras de Columela, Plauto e Varrón. (Totas tienen o significato de "cangrillo", "pantingana" u "gricha", u "alacrán").
Seguntes Kircher, en o Echipto d'os coptos yera Κλαρια, a Bestia seu Statio Typhonis, o Poder d'a Escuridat. La Lande la relacionó con Anubis, una d'as divinidatz echipcias que gosan d'asociar-se con Sirio.
En o "Libro d'o Trasoro" mencionan cancer en relación a las inundacions d'o río Nilo: