Sant Blas

Blas de Sebaste u Sant Blas estió un medico y bispe de Sebaste (l'actual Sivas) en l'este de Turquía en o sieglo IV.

Fació una vida d'ermitán en una espelunga d'a selva d'Argeus, que esdevenió a suya seu bispal.

Achiografía

Seguntes a tradición, Blas de Sebaste yera conoixito por o suyo don de curación miraglosa pa presonas y animals.

Culto

Bi ha un culto a Sant Blas que ye ligato a los pastors perinencos. Se diz que dezaga d'o culto de Sant Blas bi ha cultos profilacticos precristians. Se recurre a lo santo en casos d'afeccions de garganchón u malautías infantils.

O 3 de febrero bi ha actos sostitutivos d'os sacrificios d'animals en Navarra, País Vasco y Aragón: os hombres levan pretons de pelos de lurs animals a las capiellas de Sant Blas dimpúes d'haber trazato cruces con a cera d'un cirio bendito en o lomo de lurs animals. Se crei que o rito proteche a lo bestiar tota l'anyata.

Iconografía

Lo representan con:

• Un tocín.
• Cirios entrecruzatos (a suya fiesta ye chusto dimpués d'a Candelera).
• Cuerno.
• Mitra.
• Peine pa cardar.

Lugars d'Aragón on ye patrón

• Chiprana.
• Escuita.

Lugars d'Aragón on se zelebra

• Villanueva de Sixena.
• Chiprana.
• Escuita.
• Ferrera de los Navarros
• Gargallo.

Enrastres externos

• Se veigan as imáchens de Commons sobre Sant Blas.