Diferencia entre revisiones de «Cancro (constelación)»
m robot Modificado: ml:കർക്കടകം (നക്ഷത്രരാശി) |
m Bot: Adding {{Grafía_87}} |
||
Linia 1: | Linia 1: | ||
{{Grafía_87}} |
|||
<table border="1" align="right" width="305"> |
<table border="1" align="right" width="305"> |
||
<tr><td align=center colspan=2 bgcolor=silver style="padding-top: 1.5ex; |
<tr><td align=center colspan=2 bgcolor=silver style="padding-top: 1.5ex; |
Versión d'o 13:37 22 feb 2010
Cánzer | |
Nombre en latín | Cancer |
Alcorzamiento | Cnc |
Simbolo | |
Chenitibo | Cancri |
Sinificato en aragonés | o candrexo |
Aszensión reuta | 9 h |
Declinazión | 20° |
Bistero ta latituz | entre -60° e +90° |
Millor bisibilidá en | marzo |
Aria total | 506 graus cuadratos |
Lumero d'estrelas con magnitú aparén < 3 | 0 |
Estrela más luminosa - Magnitú aparén | Al Tarf (β Cnc) 3.5 |
Plebia de meteoritos | |
Constelazions con que muga |
|
Cánzer u Cancer (o cangrillo) ye una de as constelazions d'o zodiaco, situata entre a constelazión de Cheminucos á l'Ueste e a de Leo á l'Este. Á lo Norte, se troba la constelazion de Lupo zerbal. Á lo Sur, a d'o Can menor e la d'Idra.
A constelazión tamién da o suyo nombre á lo Tropico de Cánzer.
Carauteristicas e ochetos
Ista constelazión ye chiqueta e sin estrelas guaire luminosas; α Cancri nomás que tiene una magnitú 4.2. Cánzer ye conoxita ta muitos afizionatos á l'astronomía como la constelazión an que se troba Praesepe (M44), o presepe u presepera, un carrazo estelar ubierto an bi ye a estrela η Cancri, que puede alufrar-se con uns prismaticos. O Presepe abraca más d'un grau cuadrato, alufrando-se á simple güello como una luz difusa. Dintro d'o Presepe, encara que dezaga d'él bien luen, bi ha un grupo de galacsias que pertenix á lo carrazo de Coma-Birgo, bisibles que con telescopios meyanos. D'altros ochetos d'o zielo profundo que se troban en Cánzer son M67, un carrazo estelar ubierto bien biello, conoxito dende tiempos antigos, e NGC 2775, una galacsia espiral de magnitú 11.3. En una nueit clara, pueden alufrar-sen á güello en a constelazión bellas 50 estrelas. A estrela zeta d'a constelazión ye una estrela triple.
Mitolochía
A constelazión retraye bagamén a fegura d'un cangrillo, o que, chunto con a constelazión d'Idra, podría dar orichen á lo mito de l'Idra de Lerna, un d'os Doze Treballos d'Eracles con que s'asozía.
Tamién se diz de Cánzer que estió lo puesto ta o Sol acadio d'o Sur, puede estar que per a suya posizión ta o solstizio d'ibierno en l'antiguidá. Dimpuesas s'asoziaría con o cuatreno mes, duzu, o paso de chunio á chulio en o calendario ozidental moderno, e se conoxería como la Puerta Norte d'o Sol.
Con tan pocas estrelas, estando istas tan poco luminosas, Cánzer yera á ormino bisto como un "Sino Escuro", descrito como negro e sin güellos. Dante en fa referenzia en o canto XXV d'o suyo Paradiso:
- Poscia tra esse un lume si schiarì
- sì che, se ’l Cancro avesse un tal cristallo,
- l’inverno avrebbe un mese d’un sol dì.
- (Dimpuesas una luz entre éls loziba
- que si Cánzer tenese tal cristal,
- lo ibierno abría un mes d'un solo día.)
Istoria d'o nombre
O nombre en sanscrito d'ista constelazión estió Karka e Karkata; en tamil, Karkatan, e en singalés, Kathaca. Os indians posteriors la conoxioron como Kulira, d'o griego Κολουρος (Koluros), o bocable dato per o filosofo Proclo.
Arato la clamó Καρκινος (Karkinos), nombre que continó con Iparco e Ptolemeu. A forma latinizata, Carcinus, aparixió en as Tablas Alfonsinas de Toledo. Eratostenes estendilló lo nombre á Καρκινος, Ονοι, και Φατνη (Cangrillo, Burros e Presepe).
O nombre de Litoreus (que abita la costa) ye de Manilio e d'Obidio. Belaltros escritors clasicos en dizen Astacus e Cammarus. Nepa aparix en o De Finibus de Zizerón, e en as obras de Columela, Plauto e Barrón. (Totas tienen o sinificato de "cangrillo", "pantingana" u "gricha", u "alacrán").
Seguntes Kircher, en o Echipto d'os coptos yera Κλαρια, a Bestia seu Statio Typhonis, o Poder d'a Escuridá. La Lande la relazionó con Anubis, una d'as dibinidaz echipzias que gosan d'asoziar-se con Sirio.
En o "Libro d'o Trasoro" menzionan canzer en relazión a las inundazions d'o río Nilo: Plantilla:Zita