Verdat

A Berdat, alegoría en una pintura de Jules Joseph Lefebvre.

A berdat ye un conzeuto propio d'a filosofía que sirbe ta abaluar feitos u chuizios en termins de berdadero u falso. S'aplica sobretot á las ideyas e proposizions e no á atras esprisions lingüisticas u comportamientos. La Berdat s'oposa á la mentira.

Conzeutos de berdat

O conzeuto de berdat baría seguntes a epoca u escuela teorica. Se pueden distinguir sobre tot os siguients:

• berdat como correspondenzia: ye berdat o que dezimos u pensamos cuan se corresponde con o que pasa u se puet perzibir en a realidat. Cal tener como prueba de refutazión un mundo esterior, partindo d'a ipotesis de que iste mundo se puet conoxer, feito que muitos negan (como los que predican o eszeptizismo).

• berdat como coderenzia: ye berdat aquella afirmazión que ye coderent con atras azeptatas por una comunidat determinata. Ye un conzeuto que probiene de l'utilitarismo e s'emplega muito en lochica e en a zenzia en cheneral, á on que se fa serbir en o sentito siguient: azeptamos que cualsiquier cosa ye berdat si se puet contrimostrar empiricament u si no se puet refutar de momento (falsazión).

• berdat subchetiba: ye berdat o que belún considera como berdadero, ye relazionato con as creyenzias personals, con a esperenzia d'o mundo. Replega diferents graus de relatibismo.

• a relichión usa la esprisión "berdat absoluta" como sinonimo de Dios u de rebelazión.

• berdat pragmatica: ya que ye imposible lograr una berdat sin de dandalos, s'azepta como zierto lo que ye útil ta la bida cutiana u ta fer abanzar a custión d'estudio particular.