Medicago sativa

Alfalz
Alfalz Alfalz (Medicago sativa spp).
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fabales Familia: Fabaceae Chenero: ''Medicago'' Especie: 'Medicago sativa'
Nomenclatura binominal
Medicago sativa
Linnaeus, 1753

l'Alfalz (Medicago sativa L. 1753) ye una planta erbazia d'a familia d'as fabazias (también ditas Papileonazias ó leguminosas) á sobent emplegada xuta ó berda como á chenta ta o bestiar. O suyo zirclo bital pende d'o clima y d'a bariedat, pero s'estendilla d'entre as 5 y ras 12 añadas. Cheneralment s'apresenta con trazas de ierba baxa pero pued plegar ta fer 1m d'altaria. Fa flors de color morada.

Flors d'Alfalz.

As suyas benas gosan á ser mui fundas, á sobent de dibersos metros de lonchitut, e forman nodulez que contienen bacterias metabolizadoras de nitrocheno que lis son simbiontas (chenero Rhyzobium). A lonchitut d'as benas garanzia que ra planta pueda sobrebibir en tierra xuta, á mientres que ixa simbiosis con as bacterias permit un aprobeitamiento d'o nitrocheno que altras plantas no pueden fer. Ista zaguera carauteristica li'n'ha aganato l'uso en es sistemas de cautibo alternanz.

Una carauteristica chenetica prou destacable d'ista planta ye que tien un chenoma tetraploide, con 4 copias de cada cromosoma, per cuentas d'as 2 que son habituals en a mayoría d'es sers bibos plurizelulars.

Enrastres externos

• Commons tien altras informazions sobre Alfalz.

• Wikispecies tien altras informazions sobre Alfalz.
• Fotos d'abellas treballando en l'alfalz.
• Modificazión chenetica de l'alfalz (en anglés).
• Problematica de l'alfalz cheneticament modificato (en anglés).