Sud-ueste d'Anglaterra

O Surueste d'Anglaterra (en anglés South West England) ye una d'as nueu rechions d'Anglaterra. Ye a rechión más gran d'Anglaterra, e s'estendilla dende Gloucestershire e Wiltshire dica Cornualles e as Islas Sorlingas. Tamién encluye l'aria conoxita asobent como West Country, e gran parti de Wessex. A grandaria d'ista rechión puet beyer-se en o feito de que a parti norte de Gloucestershire, amán de Chipping Campden, ye cuasi á la mesma distanzia d'a muga escozesa que d'o cabo más oczidental de Cornualles.

Tradizionalment, o Surueste d'Anglaterra s'ha conoxito por a produzión d'o queso Cheddar, orichinato en a billa de Cheddar en Mendip Hills. Bi ha dos parques nazionals en a rechión e cuatro puestos declaratos Patrimonio d'a Umanidat por a UNESCO.