Astur-leyonés paḷḷuezu

O Paḷḷuezu ye a parla astur-leyonesa d'o grupo occidental que se charra principalment en a comarca leyonesa de Laciana, estendillando-se tamién en comarcas y municipios mugants (Degaña y alto Narcea en Asturias; comarca de Babia, comarca de Palacios del Sil, Páramo del Sil y comarca de Luna en Leyón). Se desconoix a población que lo charra encara. Belunas d'as suyas caracteristicas han pasau a lo castellán local.

Caracteristicas

Jota vaqueira

As principals caracteristicas son:

• Fonema prepalatal fricativo xordo resultant d'a evolución d'as consonants en as silabas latinas IA-, IO-, IU- y GE-
  • IACTU > xeitu (cognato de l'aragonés "chito" pero con un significau diferent de "correcto" u "modo").
  • GENTE > xente ("chent").
  • IUBU > xugu ("chubo").
  • GELATU > xiláu ("chelau").
  • GENERU > xenru ("chóven" respecto a un suegro, en castellán yerno y en catalán gendre).
  • IANEIRU > xineiru ("chinero").
  • A parola xatu ("vediello") presenta una etimolochía desconoixida pero ye cognato d'o castellán jato y d'o gallego xato.

• Se conserva a F- inicial latina d'acuerdo con l'astur-leyonés central y occidental:
  • FARTU > Fartu ("farto").

• Palatalización d'a L- inicial latina en un soniu africau xordo (che vaqueira) representau en a ortografía asturiana como Ḷḷ, encara que tamién bi ha una tradición d'escribir-lo ts.
  • LUMBU > tsombu ("lomo").

• Os grupos inicials latins PL-, CL- y FL- evolucionan ta ch-:
  • FLAMA > chama ("flama").
  • PLUVIA > chuvia ("plevia").
  • CLAVE > chave ("clau").

• Se conserva o grupo latín /-MB-/ d'acuerdo con l'astur-leyonés cheneral:
  • PLUMBU > chumbu ("plomo").
  • LUMBU > tsombu ("lomo").
  • PALUMBA > palomba/palumba ("paloma").

• O grupo latín /-LY-/ evoluciona ta "-ch-":
  • FOLIA > fuecha ("fuella").

• Articlo definiu debant de l'adchectivo posesivo:
  • La mia fuecha ("a mía fuella").