Diferencia entre revisiones de «Premios David de Donatello»
(Garra diferencia)
|
Versión d'o 02:49 27 avi 2015
|
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con ells en a suya pachina d'usuario u a pachina de descusión de l'articlo ta poder coordinar-ne la redacción. |
Os Premios David de Donatello (en italián y oficialment, Premios David di Donatello) son un conchunto de premios cinematograficos conceditos cada anyada por l'Accademia del Cinema Italiano a diferentes categorias y ye considerato o equivalent italián d'os Premios Oscar[1]. A suya primera edición estió en l'anyo 1956 y dende alabez se conceden cada anyada, sin garra interrupción.
En Italia o David de Donatello ye a o cine lo mesmo que o Premio Regia Televisiva t'a televisión y o Premio UBU t'a o teyatro.
Historia
A historia d'o David di Donatello prencipio en a primera metat d'os anyos 50 con l'establimiento d'o Open Gate Club de Roma. En o prencipio o simbolo esleito estió una puerta ubierta por a ideya de que con o remate d'a Guerra Mundial prencipiaba un nuevo tiempo culturalment brilant[2].
En iste periodo cinematograficament brilant, apareixe en l'anyo 1953 o club romano creya o Comitato per l'Arte e la Cultura (Comité por l'Arte y a Cultura) y un anyada dimpués, en 1954, o Circolo Internazionale del Cinema (Cerclo Internacional d'o Cine) que en 1955 ye clamato Club Internazionale del Cinema (Club Internacional d'o Cine). Baixo a direución de Italo Gemini (1900-1983) ye creyato o premio David di Donatello con l'obchectivo de premiar a os millors prochectos cinematograficos italiáns y foranos, seguntes o criterio d'a Academy of Motion Picture Arts and Sciences estatounitense.
A primera edición d'os premios, en l'anyo 1956, estió celebrata en o Cine Fiamma de Roma. Dende a segunda edición os premios se celebroron en o teyatro greco-roman de Taormina con bells excepcions: as edicions de 1971, celebrata en as Tiermas de Caracalla de Roma; de 1978, en a Piazzale Michelangelo de Florencia; y de 1979, en o Teatro Costanzi de Roma. En l'anyo 1981 a ceremonia se celebró en dos seus diferents y en dos momentos: en o Teatro Costanzi de Roma y en o Palazzo Vecchio de Florencia. Dende 1982 os premios s'entregan en a ciudat de Roma[3].
En l'anyada 2006 con a celebración d'os 50 anyos dende a primera edición d'os premios, se creyó un premio especial clamato David del CInquantenario y os ganadors estieron ueito personalidatz importants d'o cine italián: o sastre Piero Tosi, o director de fotografía Giuseppe Rotunno, o musico Ennio Morricone, o productor Dino De Laurentiis, o director de cine Francesco Rosi, o guionista Suso Cecchi D'Amico, o escenografo Mario Garbuglia y t'a l'actriz Gina Lollobrigida, primera ganadora d'o David de Donatello a la Millor Actriz.
O 25 de noviembre de 2009, Gian Luigi Rondi estió nombrato president vitalicio.