Masa

A masa ye una propiedat d'os obchectos fisicos que mesura a cantidat de materia en un obchecto. Ye un concepto fundamental d'a mecanica y totz os temas relacionatos. En o Sistema Internacional, a masa se mesura en kilogramos.

A masa se puet referir a dos conceptos:

• A masa inercial ye una mesura d'a inercia d'un obchecto, que ye a suya resistencia a cambiar o suyo estato de movimiento quan li s'aplica una fuerza. Un obchecto con poca masa inercial cambeya o suyo movimiento facilment, mientres que un obchecto con una gran masa no pas.
• A masa gravitacional ye una mesura d'a fuerza d'interacción d'un obchecto con a fuerza gravitatoria. En un mesmo campo gravitacional, un obchecto con menor masa gravitatoria experimenta una fuerza menor que un obchecto de mayor masa gravitatoria (ista cantidat se trafuca a vegatas con o peso)

S'ha contrimostrato experimentalment, con a maxima precisión con que se puet mesurar, que a masa inercial y a gravitatoria d'un obchecto son iguals, encara que conceptualment se consideren diferents.

Bibliografía

• Joaquim Agulló i Batlle, Mecànica de la partícula i del sòlid rígid, Publicacions OK Punt, 1995, ISBN 84-920850-0-2.
• E. F. Taylor & J.A. Wheeler, Spacetime Physics. W.H. Freeman, Nueva York, 1992. ISBN 0-7167-2327-1.

Vinclos externos

• Se veigan as imáchens de Commons sobre a masa.