Xtokavisco

O xtokavián u štokavián ye o dialecto principal d'os tres dialectos d'o serbo-crovate y por estar o suyo dialecto de prestichio ye a base d'os standards crovate, serbio, bosniaco y montenegrín. Fa part d'o continuum dialectal eslavo meridional. A suya denominación vien d'a forma d'o pronombre interrogativo što en štokavián occidental (šta en a variant oriental). Este pronombre interrogativo contrasta con o suyo equivalent en os dialectos kajkavián y čakavián (kaj y ča, que tamién significan "que").

O xtokavián se parla como sola variant d'o serbo-crovate en Serbia, Montenegro, Bosnia y Herzegovina. En Croacia se parla chunto con os atros dialectos principals d'o serbo-crovate, a los que ha feito retacular dende fa sieglos. O xtokavián se charra fuera d'as mugas d'estos países en as suyas respectivas diasporas. As subdivisions primarias d'o xtokavián se basan en dos principios. O primer principio ye si ye un subdialecto "xtokavián antigo" u "xtokavián nuevo". O segundo principio ye a diferent evolución de l'antigo fonema eslavico jat. Os autors modernos reconoixen siet subdialectos xtokavians.