Níquel

O níquel ye un elemento quimico de numero atomico 28 y simbolo Ni situato en o grupo 10 d'a tabla periodica d'os elementos.

Caracteristicas prencipals

Ye un metal de transición de color blanca-archent, conductor d'a electrecidat y d'a calor, ye dúctil y maleable por lo que se puet laminar, pulir y forchar facilment, y presenta una mica de ferromagnetismo. Se troba en diferents minerals, en meteoritos (en aleyación con o fierro) y, en primeras, bi ha níquel en o interior d'a Tierra.

Ye resistent a la corrosión y se gosa emplegar como recubrimiento, por meyo de electrodeposición. O metal y belunas d'as suyas aleyacions, como o metal monel, s'emplegan ta manellar o fluor y bells fluoruros por o feito de que reacciona con dificultat con istos productos.

O suyo estato d'oxidación mas normal ye +2. Puet presentar-ne atros, s'han observato estatos d'oxidación 0, +1 y +3 en complexos, pero no son guaire caracteristicos.

Aplicacions

Alto u baixo o 65% d'o níquel consumito se fa servir en a fabricación d'acero inoxidable austenitico y un atro 12% en superaleyacions de níquel. A resta, un 23%, se reparte entre atras aleyacions, baterías recarregables, catalisi, acunyación de moneda, recubrimientos metalicos y fundición:

• AlNiCo, aleyación ta imáns.
• O mu-metal s'emplega ta apantallar campos magneticos por a suya allta permeabilidat magnetica.
• As aleyacions níquel-arambre (monel) son muit resistents a la corrosión, emplegando-se en motors marins y industria quimica.
• L'aleyación níquel-titanio (nitinol-55) presenta o fenomen de memoria de forma y s'usa en robotica, tamién bi ha aleyacions que presentan superplasticidat.
• Catalisi d'a hidrochenación de aceites vechetals.

Rol biolochico

Muitas hidrochenasas, encara que no todas, contienen níquel, mas que mas en aquellas que tienen a función d'oxidar o hidrochén. Pareixe que o níquel tien cambeos en o suyo estato d'oxidación lo que indicaría que o nuclio de níquel ye a parti activa d'a enzima.

O níquel ye tamién present en a enzima metil como reductasa y en bacterias metanochenicas.

Vinclos externos

• Se veigan as imáchens de Commons sobre o níquel.
• (es) Enciclopedia Libre - Níquel
• (es) L'orichen d'o nombre
• (en) Los Alamos National Laboratory - Níquel
• (en) webelements.com - Níquel
• (en) environmentalchemistry.com - Níquel