Ayer (Asturias)

Ayer (en castellán Aller) ye un concello d'o Prencipato d'Asturias. Muga a lo norte con Mieres, a lo sud con a provincia de Leyón, a l'este con Llaviana, Casu y Sobrescobiu y a l'ueste con Ḷḷena.

Trescruzato por o río d'o mesmo nombre, fa parti chunto con os concellos de Ḷḷena y Mieres d'a cuenca menera d'o Caudal. A suya prencipal actividat economica ha estato a menería d'o carbón, más que más en o cobaixo d'a val, amás de l'agricultura y a ganadería. O curso baixo d'o río Ayer, amán d'o suyo forcallo con o Caudal, forma una val funda entre laderas cubiertas de selvas. Mandan o paisache as torres d'os pozos de carbón y as edificazions d'os lugars meneros.

Río entalto se plega dica Cabanaquinta, capital d'o concello dende 1869, dimpués d'a quala o paisache se transforma a moniquet en una val d'alta montanya que remata en o puerto de San Isidro (1.520 m), muga d'Asturias con Leyón. A polideza d'iste paisache y a atracción d'a leyonesa estación d'esquí en o puerto han feito que bi hese un gran creiximiento d'o sector toristico en os zaguers anyos, destacando a localidat de Felechosa, a 13 km de l'alto.

Municipios d'a comarca d'o Caudal
Ayer | Ḷḷena | Mieres