Diferencia entre revisiones de «Luengas polinesias»
m r2.7.1) (Robot Adhibito: eo:Polinezia lingvaro |
m r2.7.3) (Robot Adhibito: io:Polineziana lingui |
||
| Linia 195: | Linia 195: | ||
[[hr:Polinezijski jezici]] |
[[hr:Polinezijski jezici]] |
||
[[hu:Polinéz nyelvek]] |
[[hu:Polinéz nyelvek]] |
||
[[io:Polineziana lingui]] |
|||
[[it:Lingue polinesiane]] |
[[it:Lingue polinesiane]] |
||
[[ja:ポリネシア諸語]] |
[[ja:ポリネシア諸語]] |
||
Versión d'o 12:14 20 chi 2013
 Mapa d'a Polinesia, en l'ocián Pacifico | |
| Parlatas en: | islas d'o Pacifico (Polinesia) |
| Clasificación: | Luengas austronesias Luengas malayopolinesias |
| Se veiga tamién: Filo austronesio | |
Es idiomas polinesios son un grupo prou homochenio de más de trenta luengas, parlatas a la rechión d'o Pacifico conoixita como Polinesia. Perteneixen a la gran branca d'idiomas ocianicos, en o filo austronesio (malayopolinesio).
L'alta homocheneidat d'o grupo d'as luengas polinesias (se veigan baixo bellas correspondencias internas) ye debita a l'asentamiento relativament recient d'es polinesios en as islas d'ixa rechión, abe nomás que uns 2000 anyos.
O idioma polinesio más parlato ye o samoán, con uns 370.000 parladors. D'entre as altras luengas polinesias, nomás que tres plegan ta es 100.000 parladors: o maori, o taitián y o tongalés.
Clasificación
En os zaguers decenios, a clasificación tradicional d'as luengas polinesias s'ha basato esencialment en as proposatas per A. Pawley[1] e per R.C. Green,[2] en 1966. Encara que o estallo d'o protopolinesio en dos brancas, a tongalense y a nucleyar, contina acceptando-se, a subdivisión d'o nucleyar en una branca samoano-periferica y una altra d'oriental no ye guaire refirmata actualment per es lingüistas,[3] que consideran muitos d'ixes idiomas como brancas independients, ya que acollar-los en un grupo no podeba chustificar-se per meyo d'as innovacions compartitas. A clasificación emplegata astí baixo sigue o modelo revisato per J. Marck,[4] basata en o estudio d'os cambios fonolochicos esporadicos entre as diferents luengas:
Protopolinesio
- Protopolinesio nuclear:
- pukapukán
- uveán oriental
- futunés oriental
- uveán occidental
- futunés occidental
- maeán
- fila-mele
- tikopián
- anután
- rennellés
- Protoellicense:
- Samoán
- Idiomas ellicenses
- Protopolinesio oriental
- Pascuense
- Polinesio oriental central
- Prototaitián
- Protomarquesián
Correspondencias internas
Muitos d'os vocables d'as luengas polinesias continan estando cognatos claros. Iste cuatrón astí baixo en amuestra bells ixemplos con una selección prou representativa d'o grupo lingüistico:
| Tongalés | Niueán | Samoán | Sikayanés | Takuu | Rapanui | Taitián | Rarotongán | Maori | Marquesán sept. | Marquesán merid. | Hawayán | |
|---|---|---|---|---|---|---|---|---|---|---|---|---|
| zielo | /laŋi/ | /laŋi/ | /laŋi/ | /lani/ | /ɾani/ | /ɾaŋi/ | /ɾaʔi/ | /ɾaŋi/ | /ɾaŋi/ | /ʔaki/ | /ʔani/ | /lani/ |
| aire d'o norte | /tokelau/ | /tokelau/ | /toʔelau/ | /tokelau/ | /tokoɾau/ | /tokeɾau/ | /toʔeɾau/ | /tokeɾau/ | /tokeɾau/ | /tokoʔau/ | /tokoʔau/ | /koʔolau/ |
| muller | /fefine/ | /fifine/ | /fafine/ | /hahine/ | /ffine/ | /vahine/ | /vaʔine/ | /wahine/ | /vehine/ | /vehine/ | /wahine/ | |
| casa | /fale/ | /fale/ | /fale/ | /hale/ | /faɾe/ | /haɾe/ | /faɾe/ | /ʔaɾe/ | /ɸaɾe/ | /haʔe/ | /haʔe/ | /hale/ |
| pai / mai | /motuʔa/ | /motua/ | /matua/ | /maatua/ | /matuʔa/ | /metua/ | /metua/ | /matua/ | /motua/ | /motua/ | /makua/ |
Puet veyer-se como bellas correspondencias entre diferents luengas polinesias son regulars. Per ixemplo, os sons maoris /k/, /ɾ/, /t/, and /ŋ/ se corresponden con os sons /ʔ/, /l/, /k/, y /n/ d'o hawayán. Asinas, "hombre" ye tangata en maori y kanaka en hawayán, u "largo" ye roa en maori y loa en hawayán. A conoixita salutación hawayana aloha se corresponde con a maori aroha, "aimor, afecto".
Os pareixitos en o vocabulario esencial permeten es parladors d'entender en un grau prou alto a es polinesios d'altras islas. En os casos que una luenga concreta amuestra grans diferiencias inasperatas en o suyo lexico, probablement se debe a bella situación de "tabuización" de parolas.
Muitas d'as luengas polinesias han patito drasticament os efectos d'a colonización europea. O maori y, más clarament, o hawayán, han perdito terrén a grans trangos debant d'a potencia d'a luenga anglesa, y nomás en os zaguers anyos pareix que se fayan bells abances enta la suya recuperación.
Vinclos externos
- Ethnologue.com: Árbol d'as luengas polinesias (anglés)
- Proel.org: Luengas polinesias (castellán)
Referencias
Notas
- ↑ Pawley, Andrew (1966), Polynesian languages, a subgrouping based on shared innovations in morphology (en: Journal of the Polynesian Society, bol 75, pp 39-64). Wellington. Polynesian Society
- ↑ Green, Roger C. (1966), Linguistic subgrouping within Polynesia: The implications for prehistoric settlement (en: Journal of the Polynesian society, bol 75, nº1, pp 6-38). Wellington. Polynesian Society
- ↑ Otsuka, Yuko (2005), History of Polynesian Languages, University of Hawai'i Acz. 3 chin. 2008 (anglés)
- ↑ Marck, Jeff (2000), Topics in Polynesian languages and culture history. Canberra: Pacific Linguistics.
Bibliografía
(en)
- Krupa V. (1975-1982). Polynesian Languages, Routledge and Kegan Paul
- Irwin, Geoffrey (1992). The Prehistoric Exploration and Colonisation of the Pacific. Cambridge: Cambridge University Press.
- Lynch J. (1998). Pacific Languages : an Introduction. University of Hawaii Press.
- Lynch, John, Malcolm Ross & Terry Crowley (2002). The Oceanic languages. Richmond, Surrey: Curzon Press.