Boira (nuble)

Boiras

Una boira es una masa bisible formata por beires de nieu o gotas d'augua penchatas en l'amosfera. As boiras dispersan toda a luz bisible, y por ixo se beyen blancas. Manimenos, a begadas son masiau gordas u densas como ta que a luz as trescruze, y se beyen grisas u encluso negras, li'n gosa dizir boirons.

Tipos y clasificazión d'as boiras

Boira seca

Cumulos

A clasificazión d'as boiras se fa d'alcuerdo á las suyas carauteristicas bisuals por a Organizazión Metiorolochica Mundial y biene recullita en o International Cloud Atlas (Atlas de Boiras Internazional).

Os nombres ofizials d'os diferens tipos de boiras son en latín. Bi ha tres cheneros (genera) alazetals:

• Cumulos (Cumulus): boiras de desarrollo bertical
• Estratos (Stratus): nubes estratificatas, ditas boira seca u zerpetas.
• Nimbos (Nimbus): nubes capables de formar plebia, ditas zillos.

Os grupos anteriors se troban en boiras de tipo baxo, meyo u alto, y de desarrollo bertical, clasificando-sen en 9 tipos.

Boiras berticals Familia D

Cumulonimbus u boira grasa, amostrando zereñas corriens de puyada

Istas boiras gosan tener corriens de puyada zerenas, crexiendo muito dende os suyos alazez y formando-sen a grans altarias.

• Cumulonimbus ligatas plebidas y tronadas, li'n dizen boira grasa (Cb)
• Cumulonimbus incus
• Cumulonimbus calvus
• Cumulonimbus con mammatus
• Cumulus congestus
• Pyrocumulus

Boiras baxas Familia C

Á menos de 2 km

• Stratus (St)
• Nimbostratus (Ns)
• Cumulus humilis (Cu)
• Cumulus mediocris (Cu)
• Stratocumulus (Sc)
• Cumulus
• Cumulonimbus

Boiras meyas Familia B

De 2 á 5 km

• Nimbostratus
• Altostratus (As)
• Altostratus undulatus
• Altocumulus (Ac)
• Altocumulus undulatus
• Altocumulus caballa
• Altocumulus castellanus
• Altocumulus lenticularis

Boiras altas Familia A

Á más de 5 km

• Cirrus (Ci)
• Cirrus uncinus
• Cirrus Kelvin-Helmholtz
• Cirrostratus (Cs)
• Cirrocumulus (Cc)
• Pileus
• Trazau d'abión, una boira muy delgada, desarrollata por o paso d'una aeronau á altarias altas.

Boiras orograficas

Boira preta en o Portalet

Muitas begadas as boiras se troban mui baxas, á ran d'o suelo, debito en muitas ocasions á la esbaporazión d'a umedá d'o mesmo suelo y tamién á l'ausenzia d'aire. Ye abitual a formazión de boiras baxas en as montañas y tamién en as bals an pueden permanixer barios diyas, si ye mui espesa l'in dize boira preta. Cuan antimás ba acompañata de muito fredo li'n clama dorondón, boira dorondonera u grumonada.

Tamién bi ha atras boiras orograficas que pueden estar:

• Boiras lenticulars
• Boiras de Banner