Escala

De Biquipedia
Ir a la navegación Ir a la búsqueda
Ista pachina tracta sobre un elemento arquitectonico. Pa atros usos se veiga escala (desambigación)
Escaleretas d'o Palais Garnier.

Una escala u escalera (d'o latín < SCALARIA) ye un elemento constructivo que permite salvar una distancia vertical a traviés d'un conchunto d'escalerons u trancos.

A escala se divide en trampos u series parcials d'escalerons, deseparaus por escansos u replanos. A parti superior d'a escala gosa rematar tamién en un replano. D'atra man a parti inferior, a on prencipian os escalerons, se diz piet d'a escala.

Una escala dividida en trampos que cambean de dirección, tién un espacio vueito en o centro, situau entre os diversos trampos, d'alto ta baixo, que ye o uello d'a escala. Finalment, a escala puet tener u no tener barana.

Pueden estar fixas, transportables u móbils. A las escalas amplas, por un regular artisticas u molimentals, se les diz escaleretas (en plural) u gradal (en iste caso os escalerons si son de piedra se dicen gradons). Bi'n ha tamién transportables u «de man», elaboradas con fusta, cuerda u os dos materials.

Se veiga tamién[editar | editar código]

Vinclos externos[editar | editar código]