Erección

De Biquipedia
Ir a la navegación Ir a la búsqueda
Etapas d'una erección en un ser humán masclo.

Una erección ye un fenomeno fisiolochico en o qual o pene se torna firme, embotau y agrandiu. A erección d'o pene ye o resultau d'una interacción complexa de factors psicolochicos, neurals, vasculars y endocrinos y, a ormino, s'asocia con a excitación sexual u l'atracción sexual, encara que as ereccions tamién pueden estar espontanias. A forma, l'anglo y l'adreza d'una erección vareyan considerablement en os humans.

Fisiolochicament, a erección se desencadena per a división parasimpatica d'o sistema nervioso autonomo, lo que fa que aumenten os libels d'oxido nitrico (un vasodilatador) en as arterias trabeculars y lo musclo liso d'o pene.[1] As arterias se dilatan fendo que os cuerpos cavernosos d'o pene (y en menor medida o cuerpo molsudo) s'implan de sangre; de vez os musclos isquiocavernoso y bulbomolsudo comprimen as venas d'os cuerpos cavernosos restrinchindo a salida y circulación d'ista sangre. A erección rebla quan l'actividat parasimpatica se reduz a la linea de base.[2]

Como respuesta d'o sistema nervioso autonomo, una erección puede resultar d'una variedat d'estimulos, incluyida a estimulación sexual y a excitación sexual y, per lo tanto, no ye de tot baixo control conscient. As ereccions mientres o suenio u en dispertar se conoixen como tumescencia peneana nueiturna (en anglés NPT).[3] L'ausencia d'erección nueiturna se fa servir comunament pa distinguir entre as causas fisicas y psicolochicas d'a disfunción eréctil y l'impotencia.[4]

Referencias[editar | modificar o codigo]

  1. (en) Marieb, Elaine (2013). Anatomy & physiology. Benjamin-Cummings. p. 895. ISBN 9780321887603.
  2. (en) Harris, Robie H. (et al.), It's Perfectly Normal: Changing Bodies, Growing Up, Sex And Sexual Health. Boston, 1994. ISBN 1-56402-199-8
  3. (en) Janell L. Carroll (29 January 2009). Sexuality Now: Embracing Diversity: Embracing Diversity. Cengage Learning. p. 149. ISBN 978-0-495-60274-3.
  4. (en) Milsten, Richard (et al.), The Sexual Male. Problems And Solutions. London, 2000. ISBN 0-393-32127-4