Descusión:Verbos no frecuentativos acabaus en -iar

Creigo que a forma o infinitivo en -eyar se troba en o fuero de Teruel, pero miro agora a información concreta y no la trobo. Tamién he mirau en o libro de morfosintaxi d'o Belsetán y en o endice de vocables y no sale o infinitivo de cambiar en -eyar referito a lo Belsetán, igual o feito que o present d'ixos verbos siga rarizo en belsetán m'haiga feito creyer que existise actualment. As formas meyevals con epentesi -eyar en camiar igual podrían estar formas hipercorrectas como Mareya en quenta de María [1] [2], que provienen de l'aria teruelana on se deciba Andreya, Bertolomeya en cuenta de Andreva, Bertolomeva, ecetra.--EBRO 15:40 15 chi 2011 (UTC)

Bueno, ya puedo consultar a versión romanz d'o fuero de Teruel. O infinitivo no sale como -eyar, sale o subchuntivo cameye en a versión B. Existe a posibilidat que como en Mareya d'atros textos siga una hipercorrección contra as formas en -ía, -íe, -éa, -ée, de verbos que rematan en -eyar, -eyir, eyer y u lo subchuntivo d'o verbo ser.--EBRO 12:32 20 abr 2011 (UTC)

Lista provisional

Iré apuntando os que vaya trobando.

• Apremiar
• Asitiar
• Carriar, no lo tiengo claro pero ye posible, si en francés ye charrier y no remata en -oyer.
• Confiar
• Cartografiar. Verbo feito a partir de Cartografía.
• Guarenciar He visto en un articlo a forma presonal guarencía...igual o verbo guarenciar ye d'esta lista. S'habrá de mirar l'orichen. Debe tener relación con Garantía.
• Mediar, si remediar se conchuga asinas.
• Principiar. Ya existe en aragonés meyeval. Verbo feito a partir de Principio.
• Remediar.
• Variar.

Participio activo de present en os verbo rematatos en -iar

Veigo escrito tanto estudiant como estudeyant. Mos hemos de planteyar si existe a segunda d'egual traza que existen formas presonals d'o verbo cambear tipo cambeyo, cambeyas analochicas con as formas presonals d'os verbos freqüentativos. Si en belsetán y variants afins no existe estudeyant, cambeyant, ecetra en principio tampoco no bi habrá razons etimolochicas pa escribir una -y- epentica como en reyal, leyal y peyón y s'habrá de trigar as formas estudiant, cambiant y variant.--EBRO 11:09 28 may 2011 (UTC)

Por l'inte a forma studiant la trobo en textos meyevals [3] [4]. L'atra forma encara no la trobo.--EBRO 12:13 28 may 2011 (UTC)

Verbo sitiar

En aragonés meyeval tenemos asitiar y sitiar pa dicir fer un sitio u sieche arredol d'una fortaleza. Tamién sitiar pa dicir situar y se troba muito en los textos notarials y escrituras. Veigo agora lo problema que situar ye d'un rechistro culto y talment no exista en l'actual aragonés de l'Alto Aragón. Nusatros lo femos servir sistematicament en lo luengache enciclopedico ¿ Bi ha atro verbo alternativo en las parlas altoaragonesas ?.--EBRO (discusión) 10:58 19 chul 2012 (UTC)

Chustificación de renombramiento

En los mios articlos emplego dende fa un tiempo rematar como concluyir diferenciando-lo de acabar como terminar espacialment, tener terminación, tener cabo. He tardau a plegar a esta conclusión/criterio y tampoco tiengo totz los criterios pa convencer a atros usuarios, solo la experiencia d'haber sentiu rematar nomás que en procesos y no en espacios. Sin tocar los articlos de los atros usuarios, en los articlos que haiga escrito yo mesmo si que seguiré este criterio y m'iré autocorrechindo en los que fice fa tiempo, como en los articlos de verbos irregulars.--EBRO (descusión) 14:36 24 avi 2017 (UTC)