Descusión:Sistema vocalico d'o latín vulgar

Un detalle que veigo sobre as anomalías en a evolución teorica dende a U curta ta la "o" como en idiomas vecins ye que belunas d'as parolas que comentamos presentan un grupo consonantico "especial": "turmo" y "urmo" por eixemplo o grupo -rm-, que presentan as formas "tormo" en muitas zonas y "ormo" en Pina d'Ebro; "fundo" o grupo -nd-, "lumo" presentaba grupo -MB- en latín; l'antroponimo "Jurdán" o grupo -rd-. En a lista de parolas que Chabier Lozano rechistra en tellano mos trobamos con parolas que en latín vulgar teneban grupos consonanticos u que en tienen en aragonés: urmo, curto, cumo, manullo, sulco, puncha, y tamién buixo < BUXU, con -KS-.--EBRO (discusión) 07:44 15 abr 2012 (UTC)

Talment tamién siga o caso de furno (que ye forno en muitos puestos, por eixemplo en tellán), pero encara no he confirmau en garra pachina que siga con U curta en latín.--EBRO (discusión) 08:03 15 abr 2012 (UTC)

Posibles anomalías en aragonés

Pienso que s'ha de parar cuenta con as parolas que se fa servir ta describir un fenomén fonetico, anque pueda pareixer que ye minoritario u en regresión en os parlars actuals, minoritario en o marco cheneral de la luenga, y mesmo si ixa estás a parola que bell/s autor/s han emplegau. Anomalía ye un termino con una grant carga negativa en o contexto socio-cultural muderno, y no creigo que sia chusto emplegar-lo de conchunta con parolas patrimonials vivas que eventuals lectors pueden identificar como propias. Tamién s'ha de contar que bells autors pueden estar parcials, privilechiando estereotipos adsorvius en a suya formación academica u conclusions rancadas d'un contexto cheografico concreto y no conoixer en profundidat a realidat d'atras valles. --Lascorz ~ ('kjez'res? [Descusión]) 14:57 12 oct 2015 (UTC)

No heba parau cuenta en la carga negativa de anomalía en lo contexto de la linguistica. En prospección cheofísica anomalía no ye peyorativo porque permite descubrir cosas, manimenos en si que entiendo que pa beluns puede estar-ne. Diverchencia puede servir-nos provisionalment, encara que no me convence guaire, me convencería una cosa que sonase como excepcions, formas que aparentment no cumplen la regla, aparents contradiccions, cosas asinas. Podemos posar agora diverchencias u excepcions pa estar breus, y si dimpués en bell libro de lingüistica de temas mes neutros trobo una forma "adequada" ya tos lo consultaré.--EBRO (discusión) 15:29 12 oct 2015 (UTC)