Descusión:Pteridophyta

Me s'ocurre que a mesma forma felz puet estar un gasconismo. As formas derivadas de FILICARIA son muito estendidas en occident y me sorprende que arriben dica o gallego, a emigración gascona estió més fuerte en a mitat occidental de l'Alto Aragón, a intercomprensión més gran, y dende heus os altoaragoneses podeban calcar felç fácilment, de fueras d'arias més altas y menos receptivas d'inmigrants como l'aria centro-occidental d'a Val de Tena, on quedaría a forma que os gascons trayerían sin adaptar. Tamién cabe a posibilidat que no he mirau que en bella zona d'Occitania on no s'aspire a F se diga *fels, *feus. Tamién o creiximiento d'as felequeras con una espiral que se despliega puet motivar que se compare con una falz.--EBRO 12:56 5 feb 2012 (UTC)

Veigo agora que no ye probable. En gascón tamién se diz heuguèra, seguntes remato de leyer a forma en latín clasico ye FILIX, FILICIS, y a traviés de l'acusativo FILICE-M sale l'aragonés occidental felc(e). L'aragonés occidental ye una d'as pocas parlas neolatinas que conservan o FILIX clasico chunto con o rumán, l'italián y o balear, o heus d'a Val de Tena egual lo prenen d'una parla gascona que conserva o FILIX clasico, no se.--EBRO 20:46 6 feb 2012 (UTC)