Descusión:Musica

Documentación musicolochica aragonesa dende l'anyo 1440-1495 [1] n'estos textos podemos veyer nombres d'instrumentos en aragonés meyeval, denominacions de tipos musicos y os verbos referents a la musica como tanyer en o suyo contexto, ixo sí a transcripción no ye guaire buena, que a ç de dulçaina la interpretan como c como si estase k.--EBRO 21:33 24 abr 2011 (UTC)

Escribir musica

En lo libro d'Alwin Kuhn, muito anterior a las prebatinas d'estandarización de los anyos 1970, posan lo eixemplo que en cheso se diz musIca con U. En quasi totz los puestos se debe dicir con u, la forma con o s'ha puesto documentar en l'aria de la Fueva y Viello Sobrarbe, pero no s'ha de dar una imachen que escribir en aragonés ye cambiar las vocals pa dar una imachen d'una luenga diferent, estas presuntas diferencias no definen la fonetica aragonesa. Como ya sabetz mosica se puet dicir en qualsiquier puesto como vulgarismo en castellán, en castellán d'Aragón y de fuera d'Aragón. Y precisament en castellán d'Aragón existe lo residuo aragonés musiqueta con u. Por coderencia paradigmatica habríanos d'escribir musica por estar la vocal orichinal en latín y porque escribimos musa y museu. Tamién en aragonés meyeval escribiban musica, y tamién he visto que lo escribiban en la revista Orache en los anyos 80. Pa dicir qui se dedica la musica s'habría d'escribir tanto musico como musicaire con u.--EBRO (discusión) 07:40 10 may 2012 (UTC)