Descusión:Medio ambient

De Biquipedia
Ir ta: navego, busca

M'ha comunicau un d'os d'a SLA una cosa que Lascorz y yo charremos enantes d'o cambio de grafía. En aragonés ye Medio siempre quan ye sustantivo (atra cosa ye quan ye adchectivo, que en aragonés occidental si que puet existir meyo, y ya se discutirá en atra ocasión). Hemos de parar cuenta que en Aragón tenemos os toponimos Mediana d'Aragón y Mediano. Me comunican que en a obra de Veremundo Méndez Coarasa, que ye d'a zona on se diz meyo como adchectivo y en a locución a meyas nunca no dicen meyos con o sentito de "medios" u "modos", y en idiomas vicins como o catalán veyemos que quan ye sustantivo en casos como ese ye medi, medi ambient, quan ye sustantivo pa dicir "entre dos cosas" o equidistant ye mig, traure del mig, y quan ye adchectivo ye d'atras trazas, mig y mitjà por eixemplo, a mitges, etcetra.--EBRO 22:42 19 avi 2011 (UTC)

Poso aquí tamién muestras de textos meyevals con "medio" con o significato de "medio fisico", "medio natural" u "ambient", son d'o "Libro de los Emperadors", y tamién dan a impresión de signficiar "d'esta traza", "d'este modo", "en ixa situación", "alavez":
ia sia q(ue) la terra era arida et seca en aquesti medio algunos honbres sin uerguenya corrieron a los casales et robauan la gent los cuales ha castiguado uilliferio
a la tarda auallo crusotheri a hun plano de hun bosch, aquella ora aquellos dos caualleros con su conpanya metiero(n) se dauant a los enemigos et prendieron la part de la montanya no uistos ni sentidos de los moros que aquella ora reposauan en el dito bosch los grieguos goardauan desus de la mo(n)tanya, en aquel medio la gent de los caualleros co(n)trastauan et dizian de vna part et de otra

--EBRO 13:20 21 avi 2011 (UTC)

Tamién en la literatura alchamiada en aragonés d'Almonecir de la Sierra se troba medio como "espacio fisico", manimenos n'estos textos no se troba meyo como adchectivo. En tot caso ye una referencia d'un uso escaso d'esta parola en textos antigos.--EBRO (discusión) 16:58 3 chun 2013 (UTC)

Comedio y Comeyo[editar código]

Poso aquí la información pa tener-la localizada. En romanz navarro se troba comedio y comeyo pa dicir como intermedio, intervalo de tiempo u entretanto, pero tamién pa dicir como conclusions dimpués d'una lista. Quan dicen los lugars de la Cuenca de Pamplona en lo fuero rematan esticomeyo es la Cuenca de Pamplona.--EBRO (discusión) 19:19 21 mar 2012 (UTC)