Descusión:Codo

De acuerdo con l'ALEANR ancón ye en la mitat de los puestos de l'Alto Aragón un cheosinonimo de cadera como vemos en la lamina 1166 mapa 973. Antiparte ancón ye cadera en buena part de Zgz y Teruel. En la lamina 1158 mapa 965 sale que en quasi totas las localidatz enquestadas se documenta codo, de fueras de localidatz catalanoparlants, a on veyemos formas catalanas tipo colze. Yo he visto en lo Endice de Vocables ancón con significau de codo en ansotano, pero esta información no figura en l'ALEANR, con lo que en ansotano deben d'existir las dos opcions. La parola codo ye aragonesa por lo suyo orichen romanico a partir de lo latín CUBITUS, a traviés de formas como CUBTU, cobdo. Veyemos codo en aragonés medieval y bi ha una unidat de mesura tradicional en Aragón que ye lo codo, que documentamos tamién en aragonés medieval. Lo títol principal habría d'estar codo.--EBRO (discusión) 19:29 19 nov 2014 (UTC)