Descusión:Á ixena (disco)

Tiengo iste disco, pero no se si puyar fotos d'o disco contraviene de bella traza os dreitos d'autor (portalada, contraportalada, libret interior, etc.). D'atro costau, tampoco no se puyar ixas fotos t'a Biquipedia. Basajarau 11:56 15 set 2011 (UTC)

Se pueden puyar aquí en Biquipedia, igual que as portaladas de libros ([1]) u pósters de cintas ([2]) con una plantilla de copyright (ta discos me pareixe que no tenemos encara, pero se puet creyar). Ta puyar-las ye fácil, en a barra de "ferramientas" (cucha) bi ha un vinclo que diz "Cargas fichero", alavez punchando-ie apareixe una caixa ta puya decumentos, y nomás cal buscar a imachen en o tuyo ordinador, meter en a caixa de resumen descripción y licencia y punchar en "cargar un fichero" --Willtron (?) 13:02 15 set 2011 (UTC)

Replecata a qüestion de puyar fichers. Pero o mio dandalo ye o siguient: si puyo una foto feita por yo d'a portalada d'o disco, podria pretar-me un pleito qui tienga os dreitos d'autor d'as imachens d'a portalada -por eixemplo- u d'a contraportalada d'o disco, seiga qui seiga (prexino que'n ye a Federacion de Ligallos, creigo, encara que no soi seguro)? Ye que no se cosa d'ixo de licencias por os dreitos d'autor. Basajarau 13:36 15 set 2011 (UTC)

No, porque nusatros ya meteríanos una plantilla que diz que ixa imachen tien copyright y que nomás la femos servir con a fin d'ilustrar os nuestros articlos, pero nunca no con fins comercials (ye lo que se diz fair use) ... Nomás bi ha problemas si no se respectan os dreitos d'autor (por eixemplo si agora decimos que ye nuestra a imachen u no decimos que tien copyright), pero en iste caso ta portaladas de discos, libros y cintas u logos de companyías nusatros los emplegamos como "fair use" --Willtron (?) 13:44 15 set 2011 (UTC)

D'alcuerdo. Huei de tardis puyare bellas fotos d'o disco. Basajarau 13:48 15 set 2011 (UTC)

Atra cosa: Son amugatas (en pixels) a longaria y l'altaria d'as imachens? Y en que numero de pixels? Gracias. Basajarau 16:03 15 set 2011 (UTC)

Bueno sí, en ralidat se suposa que han d'estar imachens de baixa resolución ta emplegar-las como fair use... pues no sé... una grandaria de 300px maximo (y no menos de 250px) sería una buena grandaria ta poder emplegar-la sin problemas y ta que tampoco sía d'alta resolución, por eixemplo bella cosa asinas --Willtron (?) 17:13 15 set 2011 (UTC)

Espero haber-lo feito bien. He feito servir a plantilla de "Fair use". Basajarau 18:27 15 set 2011 (UTC)

Ye bien, perfecto... encara que como ya tenemos bells articlos de discos igual foi una específica ta portaladas de discos, pero con ixa agora ye bien. --Willtron (?) 21:59 15 set 2011 (UTC)

Bien. Muitas gracias por l'aduya. Basajarau 22:21 15 set 2011 (UTC)