Día d'os santos inocents

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo día d'os santos inocents, lo 28 d'aviento, ye tradicional de celebrar-lo en Aragón, per tota Espanya y en muitos países hispanoamericans, fendo bromas a familiars y amigos. Ye pareixito a lo Fool's Day (Día d'os Fatos) d'a cultura anglosaxona y a lo Poisson d'avril (Peix d'abril) francés, que se celebran, manimenos, lo 1 d'abril.

Es orichens d'o día d'os santos inocents s'asolan sobre una tradición relichiosa d'o cristianismo y retaculan t'a mortalera de toz es ninons menors de 2 anyos que, seguntes a Biblia, mandó fer Herodes en Betlem con razón d'o naiximiento de Chesús de Nazaret.

Hue, per contra, se relaciona con as antigas tradicions burlescas de redir-se-ne d'a chent, fendo brometas a familiars, companyers de fayena, amigos, etc., que se tornan asinas las suyas victimas inocents. Chanzas tradicionals como la de punchar un monyaquet de papel en a espalda d'a chent van deixando paso ta belaltras de mes actuals, como las que se fan per medio de mensaches electronicos u d'a telefonía mobil.

A los medios de comunicación tamién se gosa de fer cualque chanza u d'alterar-ne lo contenito de trazas que bella información pareixca real, prevenindo-ne u informando-ne dimpuesas.