Día Europeu d'as Luengas
O Día Europeu d'as Luengas ye o 26 de setiembre, seguntes proclamó lo Consello d'Europa con o refirme d'a Unión Europea o 6 d'aviento de 2001.[1] O suyo prenzipal obchetivo ye fomentar l'aprendizache d'idiomas en tota Europa en personas de cualsequier edat, tanto en chóvens, pasando per adultos y rematando en viellos. Amás, os especializaus fazilitan l'acceso a los diversos sistemas d'aprendizache.
D'alcuerdo con una encuesta realizada en febrero de 2006, o 56 % d'os ciudadans d'a Unión Europea (25 Estaus miembros) fablan un idioma distinto d'a suya luenga materna, pero o 44 % admite nomás l'aprendizache, uso y conoiximiento de l'idioma nativo. O 38 % d'os ciudadans d'a Unión Europea indican que saben anglés, seguiu por o 14 % que dominan l'idioma alemán y francés. O tipico europeu multilingüe gosa estar un estudiant u un titular d'un cargo directivo.
A Unión Europea invierte 30 millons d'euros a l'anyo ta promover l'aprendizache d'idiomas y a diversidat lingüistica, a traviés d'os programas Socrates y Leonardo da Vinci, una politica que encomenzó en 1990 con o programa Lingua.
Multilingüismo[editar | modificar o codigo]
A estratechia a escala d'a UE ta millorar l'aprendizache d'idiomas s'estableix en a recomendación d'o Consello relativa a un enfoque global d'a ensenyanza y l'aprendizache d'idiomas, tractando d'empentar l'aprendizache d'idiomas a la fin d'a educación obligatoria, aduyando a toz os chóvens a adquirir competencias en a lo menos unatra luenga europea amás d'a luenga u luengas d'a suya escolarización.
Asinas mesmo, se propone fomentar l'adquisición d'una tercera luenga adicional dica un livel que permita interactuar con un grau de fluidez mediu con respecto a o Marco Común Europeu de Referencia ta las Luengas (MCER) d'o Consello d'Europa.
D'iste modo, a politica d'a Unión Europea propone que toz os ciudadans habrían de fablar a suya luenga materna, un idioma vecino y un tercer idioma internacional. Ta la mayoría, iste idioma internacional ye l'anglés, pero no s'especifica como ha d'estar.
Se veiga tamién[editar | modificar o codigo]
Referencias[editar | modificar o codigo]
- ↑ (es) Colaboraciones. Instituto Cervantes.