Cubo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un cubo

Un cubo u hexaedro regular ye un poliedro regular limitau por seis caras, totas ellas quadradas y perpendiculars.

O suyo volumen vien dau por s³, estando s a longaria d'una ariesta.

Tién 6 caras, 12 ariestas i 8 vértices.

Volumen, aria y desembolic

Dau un cubo regular d'ariesta a, podemos calcular o suyo volumen V meyant a siguient formula:

$V=a\cdot a\cdot a=a^{3}\,$

Y l'aria total d'as suyas caras A (que ye 6 vegadas l'aria d'una d'ellas, A_c), meyant:

$A=6\ A_{c}=6\ a^{2}$

Simetría

Un hexaedro regular (u cubo) tien quince eixes de simetría d'orden quatre: as rectas perpendiculars a cada par de caras paralelas por o suyo punto meyo; quatre eixes de simetría d'orden dos: as rectas que unen os centros d'ariestas oposadas; nueu plans de simetría; tres paralelos a cada par de caras paralelas por o punto meyo d'as ariestas que las unen, y seis formaus por pars d'ariestas oposadas; y un centro de simetría. Esto fa que este cuerpo tienga un orden de simetría total de 48: 2x(3x4+6x2).

Os elementos de simetría anteriors definen un d'os grupos de simetría octaedricos, o denominau O_h seguntes a notación de Schöenflies.