Consulau de Mar

De Biquipedia
Ir a la navegación Ir a la búsqueda
A Loncha de Valencia, seu d'o Consulau de Mar.

O Consulau de Mar estió l'organismo d'o dreito maritimo d'a Corona d'Aragón, pa tractar as qüestions maritimas y comercials y exercer a churisdicción penal. A competencia la exercen dos cónsuls de mar y un chuez d'apelación, con independencia d'o gubierno establiu.

Iste Consulau de Mar evoluciona como codigo churidico y tien as suyas radices en o tribunal d'a Carta Consular de Barcelona (1258), que tien a suya base en os costumbres maritimos y de comercio tradicionals de Barcelona. As normas churidicas que regulan o dreito maritimo catalán, serán aplicadas en primeras por tot a mar Mediterrania como dreito mercantil y de navegación, pasando mas tardi a l'atlantico como dreito internacional.

O Consulau de Mar naixió en a epoca d'o que se conoixe como ius mercatorum. Iste "dreito d'os mercaders" regulaba as relacions entre os comerciants d'a epoca. Istos comerciants, en una sociedat basicament feudal, agraria y rural, se trobaban en as ciudatz, entre ellas Barcelona. Cal decir que o ius mercatorum represienta as radices de l'actual dreito mercantil. Naixió pa comerciants y pa os comerciants, por o que podemos charrar d'un dreito corporativo, dau que caleba estar inscrito en a corporación pa poder recibir l'aplicación d'iste dreito.

Se veiga tamién[editar | modificar o codigo]