Comandancia Cheneral de Melilla

Comandancia Cheneral de Melilla
Guión d'a Comandancia Cheneral de Melilla.
Información cheneral
Fidelidat	Espanya
Branca	Exercito de Tierra
Tipo	Comandancia
Acuartelamiento	Melilla, Espanya
Insignias
Simbolo d'identificación

A Comandancia Cheneral de Melilla (en castellano Comandancia General de Melilla, abreviau como COMGEMEL) ye un organo d'a Fuerza Terrestre de l'Exercito de Tierra d'Espanya que tien a prencipal finalidat de preparar organizacions operativas con as unidaz acuarteladas en a ciudat de Melilla, d'alcuerdo con a doctrina especifica terrestre. Tamién mantiene destacamentos en os penyons de Vélez d'a Gomera y d'Alhucemas y en as islas Chafarinas.

Historia

En 1497, Pedro de Estopiñán ocupó a ciudat, que pasó a pender d'o ducau de Medina Sidonia y, a partir de 1556, d'a corona. En 1860 lo tractau de Wad-Ras entre Espanya y lo Sultanato de Marruecos establió que as mugas d'ista plaza estasen as que aconseguiban os disparos d'o canyón conoixiu como El Caminante. Tres anyos mas tardi se creyó o puerto franco y en 1864 as autoridaz espanyolas permitioron l'asentamiento libre de personas en a ciudat. Entre o zaguer tercio d'o sieglo XIX y o primero d'o sieglo XX, a redolada de Melilla estió escenario d'intermitents enfrontinamientos que desembocoron en o conflicto d'a guerra de Marruecos. As succesivas batallas de Barranco d'o Lobo en 1909 y especialment a redota d'a cuasi totalidat d'os efectivos d'a comandancia en Annual, en 1921, causoron un gran impacto en a opinión publica espanyola, forzando una alianza militar entre Espanya y Francia que permitió a pacificación d'o Protectorau espanyol de Marruecos.

Dica 1956, anyo en que Marruecos aconsiguió a suya independencia, a Comandancia Cheneral de Melilla pendió de l'Alta Comisaría d'Espanya en Marruecos. Cuatre anyos dimpués se recuperoron as mugas de 1860 por meyo d'un tractau suscrito con Marruecos. Dica 1968 a comandancia estió subordinada a la Chefatura de l'Exercito Espanyol en o Norte d'Africa. Dende alavez, pasó a integrar-se en a IX Rechión Militar y pender d'a Capitanía Cheneral de Granada, dica 1984, calendata en que a IX Rechión Militar desapareixe y se fusiona con a II Rechión Militar. Dende 1997, cuan se creyó a Zona Militar de Melilla, fació parti d'a II Rechión Militar. En l'anyo 2006, a Comandancia Cheneral de Melilla quedó integrada en a Fuerza Terrestre de l'Exercito de Tierra. Un cheneral de división desempenya o mando d'a unidat. O suyo quartel cheneral se troba situau en o centro d'a ciudat.

A Comandancia Cheneral de Melilla engloba as siguients unidaz:

• Cuartel Cheneral:
  • Segunda Chefatura
  • Estau Mayor
  • Batallón de Cuartel Cheneral XVIII
  • Secretaría
  • Asesoría Churidica
  • Chefatura d'Afers Economicos
  • Usina de Comunicación Publica
• 10^eno Rechimiento de Caballería "Alcántara"
  • Grupo de Caballería Acorazada "Taxdirt" I/10
• Tercio "Gran Capitán" 1º d'a Lechión
  • Bandera d'Infantería Protechida "Comandante Franco" I/1
• 52^eno Grupo de Regulars "Melilla"
  • Tabor d'Infantería Motorizada "Alhucemas" I/52
• 32^eno Rechimiento Mixto d'Artillería
  • Grupo d'Artillería de Campanya I/32
  • Grupo d'Artillería Antiaeria II/32
• 8^eno Rechimiento d'Incheniers
  • Batallón de Zapadors I/8
• 24^ena Unidat Lochistica
  • 24^ena Companyía de Mar d'a Unidat Lochistica

Se veiga tamién

• Exercito de Tierra d'Espanya
• Melilla

Referencias

• Datos: Q28504053
• Multimedia: Military of Melilla / Q28504053