Junta para Ampliación de Estudios e Investigaciones Científicas

Chunta ta l'Ampliación d'Estudios y Investigacions Cientificas Junta para Ampliación de Estudios e Investigaciones Científicas
Información d'o Institución
Creyau	11 de chinero de 1907
Disolución	1 d'abril de 1939
Churisdicción	Espanya
President	Santiago Ramón y Cajal (1907-1934)

A Junta para Ampliación de Estudios e Investigaciones Científicas (en aragonés Chunta ta l'Ampliación d'Estudios y Investigacions Cientificas estió l'institución que teneba a lo suyo cudiau de promover a investigación y a educación cientifica en Espanya en a primera parte d'o sieglo XX, dica la suya desaparición como consecuencia d'o resultau d'a Guerra Civil (1936-1939).

Fundación

A creyación en 1907 d'a Junta para Ampliación de Estudios e Investigaciones Científicas, heredera en gran medida d'a Institución Libre de Enseñanza (1876) estió l'alazet d'una etapa de desarrollo dica alavez no aconseguiu ta la ciencia y a cultura espanyolas. O Real Decreto por o cual se creyó la Junta el sinyó lo rei Alifonso XIII l'11 de chinero de 1907, y a exposición d'o preambulo l'escribió Amalio Gimeno, qui yera ministro en ixas envueltas. En dita exposición, dimpués de citar eixemplos d'as iniciativas d'atros países, afirmaba:

Y, sin embargo, no falta entre nosotros gloriosa tradición en esta materia. La comunicación con judíos y la mantenida en plena Edad Media con Francia, Italia y Oriente; la venida de los monjes de Cluny, la visita a las Universidades de Bolonia, París, Montpelier y Tolosa; los premios y estímulos ofrecidos a los clérigos por los Cabildos para ir a estudiar al extranjero, y la fundación del Colegio de San Clemente en Bolonia, son testimonio de la relación que en tiempos remotos mantuvimos con la cultura universal. La labor intelectual de los reinados de Carlos III y Carlos IV, que produjo la mayor parte de nuestros actuales Centros de cultura, tuvo como punto de partida la terminación del aislamiento en que antes habíamos caído, olvidando nuestra tradición envidiable, y restableció la comunicación con la ciencia europea, que, interrumpida luego por diversas causas, no conserva ahora sino manifestaciones aisladas, como las pensiones para viajes concedidas a los becarios de Salamanca y el Colegio de Bolonia.

O 15 de chinero se nombró, por reyal decreto, a los siguients vocals: Santiago Ramón y Cajal, José Echegaray, Marcelino Menéndez Pelayo, Joaquín Sorolla, Joaquín Costa, Vicente Santamaría de Paredes, Alejandro San Martín, Julián Calleja Sánchez, Eduardo Vicenti, Gumersindo de Azcárate, Luis Simarro, Ignacio Bolívar, Ramón Menéndez Pidal, José Casares Gil, Adolfo Álvarez Buylla, José Rodríguez Carracido, Julián Ribera y Tarragó, Leonardo de Torres Quevedo, José Marvá, José Fernández Jiménez y Victoriano Fernández Ascarza.

Importancia

A Chunta estió l'organismo que mayor empuixe dio a lo desarrollo y difusión d'a ciencia y d'a cultura espanyolas a traviés d'un programa muit activo d'intercambio de profesors y alumnos y l'establimiento de becas ta estudiar en l'extranchero (pensionados), en un intento exitoso de salir d'o pesimismo decimononico y ubrir-se enta l'extranchero en establindo un dialogo ubierto con os países mas modernos d'Europa como lo solo meyo d'abance y progreso. Obra de pocos hombres, liderada por o suyo president, Santiago Ramón y Cajal, y sobre tot por o suyo secretario y eminencia grisa, José Castillejo, en o suyo interior se formoron y treballoron os millors intelectuals y cientificos d'Espanya entre 1907 y 1939, como Ignacio Bolívar Urrutia (qui estió lo segundo y zaguer president d'a Junta), Cándido Bolívar, Pío del Río Hortega, Julio Rey Pastor, Blas Cabrera, Miguel Catalán Sañudo, Enrique Moles, José Royo, Faustino Miranda, Odón de Buen, Ramón Menéndez Pidal, Tomás Navarro Tomás, Américo Castro, Luis de Zulueta y María de Maeztu, entre muitos atros.

Institutos y centros

A Junta aconsiguió creyar un conchunto de centros y laboratorios en el cual a ciencia y as humanidaz prencipioron a tener un peso dica ixe momento inusual. O Centro d'Estudios Historicos, a Residencia de Estudiantes, l'Instituto Nacional de Ciencias Fisico-Naturales, que aglutinó a os ya existents como a Estación Biológica de Santander, o Laboratorio de Investigaciones Físicas (y a suya succesora l'Instituto Nacional de Física y Química, alochau en l'Edificio Rockefeller), o Museu Antropolochico, o Museu de Ciencias Naturals u lo Reyal Chardin Botanico de Madrit, estioron beluns d'istes centros d'investigación en el cual profesors y alumnos s'afanaban por aconseguir o libel que atros países teneban y dotar a Espanya d'a ciencia, a tecnica y a cultura mas modernas y novedosas.

Influencia exterior

D'atra man, a Junta para la Ampliación de Estudios y Investigaciones Científicas chugó un papel decisivo en as relacions con America Latina, potenciadas por una Reyal Orden promulgada lo 16 d'abril de 1910, por o cual s'emparaba l'intercambio de profesors y alumnos y l'edición d'obras sobre la sociedat, l'evolución d'a cultura y d'a economía y a historia natural d'America. L'intercambio suscitau orichinó unas nuevas relacions y trazas de mirar-se y entender-se entre americanos y espanyols y patrocinó la creyación d'institutos, departamentos y catedras universitarias sobre luenga, cultura, historia y civilización espanyolas, muitos d'os cuals siguioron o modelo organizativo y cientifico d'os centros espanyols d'a Junta para la Ampliación de Estudios y Investigaciones Científicas en a suya organización y funcionamiento.

Disolución

L'esprito de modernización y reforma que representaba la Junta no contaba con a simpatía d'os sectors que promovioron y emparoron a insurrección de chulio de 1936. O gubierno de Burgos decretó la suya disolución o 19 de mayo de 1938, transferindo las suyas funcions a un recientment fundau Instituto de España, encara que la Junta continó funcionando en as zonas no controladas por os insurchents dica lo final d'a guerra.

Rematada la Guerra Civil, o 24 de noviembre de 1939, o dictador Franco promulgó la lei por a cual se creyaba lo Consejo Superior de Investigaciones Científicas (CSIC), disposando que en adebant:

[...] toz os Centros dependients d'a disuelta Junta para la Ampliación de Estudios y Investigaciones Científicas, d'a Fundación d'Investigaciones Científicas y Ensayos de Reformas y los creyaus por l'Instituto de España, pasarán a depender d'o Consejo Superior d'Investigaciones Científicas.

Encara que o CSIC se fundó con un esprito antagonico a lo d'a Junta y en un acto independient d'a disolución d'ista, comunament que se presenta a ixe organismo como la suya continación.

Bibliografía

Formentín Ibáñez, Justo y Jose María Villegas Sanz. Relaciones Culturales entre España y América: la Junta para Ampliación de Estudios. Madrid. Mapfre, 1992.
Laporta, F. J., Miguel A Ruiz, Zapatero, V. y J. Solana. Los orígenes culturales de la Junta para Ampliación de Estudios. Arbor, CXXVI/493 (Madrid, enero de 1987).
López Sánchez, José María. Heterodoxos españoles. El Centro de Estudios Históricos, 1910-1936. Madrid. Marcial Pons-CSIC. 2006.
Marín Eced, T. La renovación pedagógica en España (1907-1936): los pensionados en pedagogía por la Junta para Ampliación de Estudios. Madrid. CSIC. 1990.
Naranjo Orovio, Consuelo, L. Maria Dolores Luque y Miguel Ángel Puig-Samper (editores). Los lazos de la cultura. El Centro de Estudios Históricos de Madrid y la Universidad de Puerto Rico, 1916-1939. Madrid. CSIC-Universidad de Puerto Rico, 2002.
Puig-Samper Mulero, M.A. (Ed.). Tiempos de investigación: JAE-CSIC, cien años de ciencia en España. Madrid. CSIC. 2007.
Sánchez Ron, José María (coordinador). 1907-1987. La Junta para Ampliación de Estudios e Investigaciones Científicas 80 años después. 2 vols. Madrid. CSIC. 1988. Vol. I Vol. II
Caballero Garrido Ernesto (coordinador). La Junta para Ampliación de Estudios e Investigaciones Científicas: historia de sus centros y protagonistas (1907-1939). Autor principal Mª Carmen Azcuenaga Cavia. Trea y Asociación Nacional de Estudiantes e Investigadores SIGLO XXI, 2010. ISBN 9788497044950.
Sánchez, Isidro (coordinador). Educación, Ciencia y Cultura en España: auge y colapso (1907-1940) Pensionados de la JAE . Ciudad Real. Almud eds. y Centro de Estudios de CLM, 2012. ISBN 9788493977580.

Vinclos externos

Se veigan as imáchens de Commons sobre Junta para Ampliación de Estudios e Investigaciones Científicas.
Archivo d'a Junta para Ampliación de Estudios.
(es) Paul Aubert: ¿A la Sorbona, a Marburgo o a La Alpujarra? La Junta para Ampliación de Estudios.
(es) José María Serrano Sanz: Una reinterpretación de la Junta para Ampliación de Estudios (.pdf), 24 de marzo de 2009.

Datos: Q1681557
Multimedia: Junta para Ampliación de Estudios e Investigaciones Científicas / Q1681557