Chloë Grace Moretz

Chloë Grace Moretz
	; L'actriz estausunidense Chloë Grace Moretz, en una imachen de 2018.
Información cheneral
Calendata naiximiento:	10 de febrero de 1997
Puesto naiximiento:	Atlanta (Cheorchia, Estaus Unius)
Ocupación:	Actriz; Actriz de voz
Pai:	McCoy "Mac" Moretz
Mai:	Teri Duke
Conchuche:	Kate Harrison (2018– , parella)
	[editar datos en Wikidata]

Chloë Grace Moretz, naixida d'Atlanta (Cheorchia, Estaus Unius) o 10 de febrero de 1997, ye una actriz y actriz de voz estausunidense que prencipió a actuar a meyaus d'os anyos 2000 cuan encara yera una nina, con uns primers papels en a cinta de cine de terror sobrenatural The Amityville Horror (2005, Andrew Douglas), a serie de televisión dramatica Desperate Housewives (2006-2007), a cinta de terror sobrenatural The Eye (2008, David Moreau y Xavier Palud), a cinta dramatica The Poker House (2008, Lori Petty), a serie dramatica Dirty Sexy Money (2007-2008), a cinta de comedia romantica 500 Days of Summer (2009, Marc Webb) y a cinta de comedia infantil Diary of a Wimpy Kid (2010, Thor Freudenthal). Mientres a suya carrera cinematografica ha recibiu cuantos premios y nominacions.

O gran abance en a carrera de Moretz s'escaició en 2010 con as suyas aclamadas interpretacions como Hit-Girl en a cinta de superherois Kick-Ass (Matthew Vaughn) y como nina vampiro en a cinta de terror Let Me In (Matt Reeves). Dimpués protagonizó a cinta historica d'aventuras Hugo (2011, Martin Scorsese), a cinta de comedia de terror de Tim Burton Dark Shadows (2012), a comedia satirica 30 Rock (2011-2013), repitió lo suyo papel de Hit-Girl en Kick-Ass 2 (2013, Jeff Wadlow) y interpretó a Carrie White en a cinta de terror sobrenatural Carrie (2013, Kimberly Peirce). En 2014, Moretz protagonizó la premiada cinta dramatica Clouds of Sils Maria (Olivier Assayas), lo drama romantico chovenil If I Stay (cinta)If I Stay (R. J. Cutler) y a cinta d'acción The Equalizer (Antoine Fuqua).

Dimpués de protagonizar a cinta d'intriga y misterio Dark Places (2015, Gilles Paquet-Brenner), a cinta d'acción y ciencia-ficción The 5th Wave (2016, J Blakeson) y a cinta de comedia Neighbours 2: Sorority Rising (2016, Nicholas Stoller), Moretz anunció que yera "revaluando" la suya elección de papels y yera abandonando cuantos prochectos, incluida l'adaptación en vivo por Universal Studios d'A sireneta.^[1] Os papels posteriors de Moretz han incluyiu a cinta dramatica The Miseducation of Cameron Post (2018, Desiree Akhavan), a cinta de terror Suspiria (Luca Guadagnino) y a cinta de suspenso y drama Greta de Neil Jordan, todas en 2018. En 2019, ampró a suya voz a Blancanieu en Red Shoes and the Seven Dwarfs (Sung-ho Hong) y a Wednesday Addams en The Familia Addams (Greg Tiernan y Conrad Vernon), respectivament. O treballo teatral de Moretz incluye o suyo papel protagonista en a producción de Broadway de The Library (2014).