Centralismo democratico

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O centralismo democrático ye a forma d'organización y funcionamiento d'os partitos y organizacions marxista-leninistas. Ista manera d'operación ye alacetada en a disciplina y o treballo voluntario por parti d'os melitants y as melitants d'a organización u partito. O centralismo democratico ye una forma concarada a o burocratismo, asinas como esferent a atras formas d'organización y funcionamiento emplegatas por organizacions socialistas u asamblearias.

Prencipios

O centralismo democratico se alaceta en os siguients prencipios:

• Caracter electivo y revocable de toz os organos de direción d'alto enta baixo.
• Rendición contina de cuentas por os organos de direción debant de qui los esleyoron y debant d'os organos superiors.
• Libertat de critica y autocritica dentro d'o partito.
• Estricta disciplina de partito, subordinación d'a minoría a la mayoría.
• As decisions d´os organos superiors son vinculants ta os organos inferiors.
• Treballo y direción colectivos, responsabilidat individual de cada melitant en o proceso de dirección colectiva.