Carlos Mazón Guixot

Molt Honorable Senyor (Muit Honorable Sinyor) Carlos Arturo Mazón Guixot
Carlos Mazón Guixot Carlos Mazón Guixot, en una imachen de 2022.
President d'a Gubierno d'a Cheneralidat Valenciana
17 de chulio de 2023 – En o cargo
Monarca	Felipe VI
Gubierno	Mazón
Viceprimer ministro	Vicepresident primero: -Vicente Barrera Simó (2023-2024) Vicepresidenta segunda: -Susana Camarero Benítez (2019-2024) Vicepresidenta: -Susana Camarero Benítez (2024- )
Precediu por	Ximo Puig
Succediu por	En o cargo
President d'o Partido Popular de la Comunidad Valenciana
3 de chulio de 2021 – En o cargo
Precediu por	Isabel Bonig
President d'a Deputación Provincial d'Alicant
19 de chulio de 2019 – 12 de chulio de 2023
Precediu por	César Sánchez Pérez
Succediu por	Antonio Pérez Pérez
President d'o Partido Popular d'Alicant
18 de chulio de 2020 – 3 de chulio de 2021
Precediu por	Eduardo Dolón
Succediu por	Antonio Pérez Pérez
Director cheneral de Seguridat Industrial y Consumo d'a Cheneralidat Valenciana
3 de setiembre de 2004 – 6 de chulio de 2007
President	Francisco Camps
Gubierno	Primer Gubierno Camps
Director cheneral de Comercio y Consumo d'a Cheneralidat Valenciana
27 de chunio de 2003 – 3 de setiembre de 2004
President	Francisco Camps
Gubierno	Primer Gubierno Camps
Deputau d'a XI Lechislatura d'as Corz Valencianas por Alicant
26 de chunio de 2023 – En o cargo
President	Carlos Mazón Guixot
Monarca	Felipe VI (2014- )
Concellero d'o concello d'Alicant
15 de chunio de 2019 – 17 de chunio de 2023
Concellero d'o concello de Catral
16 de chunio de 2007 – 28 d'octubre de 2009

Naiximiento	8 d'abril de 1974 Alicant (Alicantín, País Valenciano)
Partiu	Partido Popular de la Comunidad Valenciana
Profesión	Politico Avogau
Alma Máter	Universidat d'Alicant

Carlos Arturo Mazón Guixot, naixiu d'Alicant (Alicantín, País Valenciano) l'8 d'abril de 1974, ye un politico y avogau valenciano, militant d'o Partido Popular de la Comunidad Valenciana, que ha ocupau cuantos cargos politicos en o País Valenciano dende l'anyo 1999, plegando a estar esleyiu President d'a Gubierno d'a Cheneralidat Valenciana en 2023 dimpués d'as eleccions a las Corz Valencianas d'ixe anyo ta la XI Lechislatura d'as Corz. Tanimientres, anteriorment heba estau concellero en os concellos de Catral y Alicant y heba ocupau cargos directivos en a Cheneralidat Valenciana mientres o Primer Gubierno Camps. Tamién ha ocupau cargos directivos ern o suyo partiu, estando l'actual president d'o Partido Popular de la Comunidad Valenciana (dende 2021) dimpués d'haber-ne estau lo president d'o Partido Popular d'Alicant (2020-2021).

Formación

Se formó en estudiando dica lo COU en o colechio Jesús María Vistahermosa d'a suya ciudat natal, empecipiando estudios de Dreito en a Universidat d'Alicant en 1992, dica la suya licenciatura en 1997, cuan prencipió a treballar como avogau.

Vida politica

Primeras anyadas

Con nomás que 18 anyadas s'afilió a lo Partido Popular de la Comunidad Valenciana, la filial en a suya comunidat autonoma d'o Partido Popular.

En 1999 prencipia la suya vida politica activa, en estar nombrau director cheneral de l'Institut Valencià de la Joventut en o Segundo Gubierno Zaplana, estando nombrau dimpués director cheneral de Comercio y Consumo por o Primer Gubierno Camps en 2003.^[1] En 2004 a la suya dirección cheneral se li retiran as competencias sobre comercio, adhibindo-se-li por contra competencias sobre seguranza industrial.

Politica municipal

En as eleccions municipals de 2007 fue esleyiu concellero d'o Concello de Catral, estendo nombrau deputau provincial d'a Deputación Provincial d'Alicant y designau vicepresident cuarto d'ixa institución, quedando a lo cudiau d'as competencias sobre Cooperación.

Tanimientres, en 2009 dixa temporalment a suya partecipación en a vida politica activa en estar contractau como director cherent d'a Cambra de Comercio, Industria, Servicios y Navegación d'Alicant.^[2]

Deputación Provincial d'Alicant

En as eleccions municipals de 2019 fue esleyiu concellero d'o Concello d'Alicant en as listas d'o Partido Popular de la Comunidad Valenciana. Nombrau por ixe partiu nuevament deputau provincial, fue esleyiu president d'a Deputación o 19 de chulio d'ixe anyo.^[3]

Complementariament, o 3 de chulio de 2021 fue esleyiu president d'o Partido Popular de la Comunidad Valenciana, albandonando lo suyo cargo anterior de president d'o Partido Popular d'Alicant.^[4]

Presidencia d'a Cheneralidat

En as eleccions a Corz Valencianas de 2023 fue esleyiu deputau en as listas d'o suyo partiu por a provincia d'Alicant. En ixas eleccions, o Partiu Popular de la Comunidad Valenciana obtenió 40 deputaus sobre 99, encara que estió lo partiu mas votau, con un 35,75% d'os votos.^[5]

Con o resultau d'as eleccions, a sola mayoría posible yera un acuerdo d'o Partido Popular con Vox, que heba obteniu 13 deputaus, plegando-se asinas a un pacto con dito partiu y estando esleyiu o 13 de chulio de 2023 president d'a Cheneralidat Valenciana con 53 votos a favor (Partido Popular y Vox) y 46 votos en contra (Partit Socialista del País Valencià-PSOE y Coalició Compromís).^[6]

Referencias

↑ (es) Roberto Ruiz Anderson: A qué se dedicaba Carlos Mazón, próximo presidente de la Comunidad Valenciana, antes de ser político, en El Confidencial, 29 de mayo de 2023.
↑ (es) R. Navarro: El director de la Cámara, Carlos Mazón, regresa a la política como '2' de la lista del PP en Alicante, en Alicante Plaza, 17 d'abril de 2019.
↑ (es) Carlos Mazón, presidente de la Diputación de Alicante, en Alicante Press, 20 de chulio de 2019.
↑ (es) María Fabra: El PP valenciano elige a Carlos Mazón para tratar de reconstruir el partido y volver a las instituciones, en El País, 3 de chulio de 2021.
↑ (es) Armando Hueso: Resultados de la Comunidad Valenciana en las elecciones autonómicas 2023: mapa del voto, en 20 Minutos, 29 de mayo de 2023.
↑ (es) Víctor Romero: Carlos Mazón, elegido nuevo presidente de la Generalitat con los votos del PP y Vox, en El Confidencial, 13 de chulio de 2023.

Vinclos externos

Se veigan as imáchens de Commons sobre Carlos Mazón Guixot.

[1] (es) Roberto Ruiz Anderson: A qué se dedicaba Carlos Mazón, próximo presidente de la Comunidad Valenciana, antes de ser político, en El Confidencial, 29 de mayo de 2023.

[2] (es) R. Navarro: El director de la Cámara, Carlos Mazón, regresa a la política como '2' de la lista del PP en Alicante, en Alicante Plaza, 17 d'abril de 2019.

[3] (es) Carlos Mazón, presidente de la Diputación de Alicante, en Alicante Press, 20 de chulio de 2019.

[4] (es) María Fabra: El PP valenciano elige a Carlos Mazón para tratar de reconstruir el partido y volver a las instituciones, en El País, 3 de chulio de 2021.

[5] (es) Armando Hueso: Resultados de la Comunidad Valenciana en las elecciones autonómicas 2023: mapa del voto, en 20 Minutos, 29 de mayo de 2023.

[6] (es) Víctor Romero: Carlos Mazón, elegido nuevo presidente de la Generalitat con los votos del PP y Vox, en El Confidencial, 13 de chulio de 2023.

[1]

[2]

[3]

[4]

[5]

[6]