Gubierno Mazón
| Gubierno Mazón Govern Mazón Gobierno Mazón | |
|---|---|
| |
.jpg)
| |
| Carlos Mazón Guixot, chefe d'o Gubierno Mazón. | |
| Información d'o Gubierno | |
| Establito | 19 de chulio de 2023 |
| Reemplaza a | Segundo Gubierno Puig (2019-2023) |
| Churisdicción | .svg){kind=small} País Valenciano
|
| President | Carlos Mazón Guixot |
O Gubierno Mazón ye lo Gubierno Valenciano (ye decir, d'a Cheneralidat Valenciana) dende la suya formación o 19 de chulio de 2023, mientres a XI Lechislatura d'as Corz Valencianas, succedindo a lo Segundo Gubierno Puig. Ye presidiu por Carlos Mazón Guixot, d'o Partido Popular de la Comunidad Valenciana, y ye un gubierno monocolor dende la crisi de gubierno de chulio de 2024, cuan Vox decidió rematar con os pactos de gubierno suscritos globalment en toda Espanya entre dito partiu y lo Partido Popular.
Historia
[editar | modificar o codigo]Dimpués d'as eleccions a Corz Valencianas de 28 de mayo de 2023, a composición d'a cambra fació imposible la continación d'o Segundo Gubierno Puig, gubierno de coalición formau por o Partit Socialista del País Valencià-PSOE (31 deputaus), Coalició Compromís(16) y Unides Podem (0), ubrindo-se asinas a puerta a un gubierno altenativo d'a dreita politica d'o Partido Popular de la Comunidad Valenciana (40) y Vox (13), amenistando-se lo voto de Vox en no haber obteniu lo Partido Popular a mayoría absoluta.
As negociacions entre los dos partius d'a dreita se completoron sin dificultaz y se sinyó un pacto de gubierno como consecuencia d'o cual as Corz Valencianas investioron o 13 de chulio president d'a Cheneralidat Valenciana a Carlos Mazón Guixot, d'o Partido Popular de la Comunidad Valenciana, con os votos favorables d'o suyo partiu y de Vox (53 votos favorables) y lo voto en contra d'os atros partius d'ezquierda politica, Partit Socialista del País Valencià-PSOE, Coalició Compromís y Unides Podem (47 votos en contra).
La formación d'o gubierno estió tamién rapeda, y lo 19 de chulio lo Diari Oficial de la Generalidat Valenciana publicó lo nombramiento d'os conselleros, que prenioron posesión ixe mesmo día en un acto celebrau en o palacio d'a Cheneralidat Valenciana.[1]
Crisi de gubierno
[editar | modificar o codigo]En chulio de 2024, como consecuencia d'a suya oposición a l'alcuerdo entre lo Gubierno de Pedro Sánchez y las comunidaz autonomas ta la distrubución entre ellas de menors d'edat immigrants, Vox decidió trencar os suyos pactos de gubierno suscrits con o Partido Popular ta cuantos gubiernos autonomicos u municipals. Santiago Abascal, lo líder de Vox, anunció en a nueit de l'11 de chulio,[2] y immediatament lo president Mazón anunció lo cese d'o vicepresident Vicente Barrera Simó y d'os atros dos conselleros de Vox en o suyo gubierno, Elisa Núñez Sánchez y José Luis Aguirre Larrauri.[3] A lo día siguient, Mazón fació publica la suya remodelación d'o gubierno.
Consecuencias d'a DALA
[editar | modificar o codigo]Como consecuencia d'a depresión aislada en livels altos que s'escaició en a Comunidat Valenciana lo 29 d'octubre de 2024 y que provocó mas de 200 victimas mortals, se producioron fuertes criticas a l'acción d'o Gubierno Mazón en a chestión d'a crisi, que comportoron cambios en a composición d'o Gubierno. En una primera etapa, lo 18 de noviembre de 2024 Mazón destituyó a Nuria Montes de Diego como consellera d'Innovación, Industria, Comercio y Turismo,[4] substituyindo-la por Marián Cano García, a la vegada que nombraba a tenient cheneral Francisco José Gan Pampols como vicepresident ta la Recuperación Economica y Social.[5] En una segunda etapa, lo 21 de noviembre de 2024 destituyó a Salomé Pradas Ten como consellera de Chusticia y Interior[6] y desdobló en dos a consellería, nombrando a Juan Carlos Valderrama Zuirá como consellero d'Emerchencias y Interior[7] y a Nuria Martínez Sanchis como consellera de Chusticia.[7]
Estructura y composición
[editar | modificar o codigo].jpg)
.jpg)
.jpg)
.jpg)
Referencias
[editar | modificar o codigo]- ↑ (ca) El nou Consell pren possessió i es posa "automàticament a la disposició del poble valencià", en Europa Press, 19 de chulio de 2023.
- ↑ (es) Rosana Crespo: Vox rompe con el PP en la Generalitat, en Valencia Plaza, 11 de chulio de 2024.
- ↑ (es) Burguera: Vox rompe los pactos con el PP y Mazón gobernará en solitario, en Las Provincias, 11 de chulio de 2024.
- ↑ 4,0 4,1 4,2 (es) Ainhoa Clavel: Quién es Marián Cano, sustituta de Nuria Montes en el Gobierno valenciano, en COPE, 18 de noviembre de 2024.
- ↑ 5,0 5,1 (es) Noa de la Torre: Mazón encarga al teniente general Francisco José Gan Pampols la Vicepresidencia para la Recuperación tras la DANA, en El Mundo, 19 de noviembre de 2024.
- ↑ 6,0 6,1 (es) Manuel Viejo: Mazón cierra los cambios en su Gobierno con el cese de la responsable de Emergencias Salomé Pradas y desgaja su departamento en dos, en El País, 20 de noviembre de 2024.
- ↑ 7,0 7,1 7,2 7,3 (ca) Mazón destitueix Salomé Pradas com a consellera de Justícia i l'Interior i nomena Juan Carlos Valderrama i Nuria Martínez, en À Punt, 21 de noviembre de 2024.
| |
| Lerma I (1983-1987) | Lerma II (1987-1991) | Lerma III (1991-1995) | Zaplana I (1995-1999) | Zaplana II (1999-2002) | Olivas (2002-2003) | Camps I (2003-2007) | Camps II (2007-2011) | Camps III (2011) | Fabra (2011-2015) | Puig I (2015-2019) | Puig II (2019-2023) | Mazón (dende 2023) | |
| Control d'autoridaz |
|
|---|
Datos: Q120636019