Capezana
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A capezana u cabezana ye la pieza de cuero, cuerda u materials sinteticos, que por meyo d'o conchunto d'os suyos segmentos unitos con fibiellas, forma una estructura arredol d'a cabeza d'un animal per a on que ixe puede estar enganchato ta conducir-se en os suyos desplazamientos.
Cheneralment, s'achusta dezaga d'a clavera de l'animal con una d'as suyas correyas, per alto d'as orellas, mientres que la resta d'ellas embolican o mueso, deixando, por un regular per a part de debaixo d'a boca, bel puesto ta ligar-ie una cuerda (u as bridas) que permita controlar os movimientos d'a bestia.
Antigament cualques capezanas, amés, encluiban una cadena que podeba afurcar o mueso de l'animal ta cuan yera preciso maniar-lo, en eslizando-se per una armiella d'un d'os costatos cuan la estiraban. D'ixa traza, se conseguiba obligar a l'animal a parar obediencia y fer-lo treballar u seguir a l'amo.
