Capacidat civil

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A capacidat civil ye a posibilidat legal d'exercer os dreitos propios de a persona fisica, que a diferencia de as personas churidicas, tiene una diferenciación que viene dada per a situación d'incapacidat que no se da en as personas churicas, dando lugar a dos terminos churidicos que aclareixen o concepto de capacidat civil.

Capacidat churidica y capacidat d'obrar[editar | modificar o codigo]

En o dreito espanyol, tiene capacidat churidica tot ser humano por o propio feito d'estar-ne, diferenciando capacidat d'obrar, que ye poder de fer actos con eficacia churidica y per ixo sería a aptitut ta cumplir dreitos y obligacions. Toz os ciudadanos tienen capacidat churidica pero no pas toz tienen capacidat d'obrar (per no arribar a determinada edat, per incapacidat mental, ecetra...)

A capacidat churidica l'adquiere una persona en l'inte de naixer, ye alavez l'aptitut ta ser titular de dreitos y obligacions, ta ser subchecto activo u pasivo de relacions churidicas.

A capacidat d'obrar se refiere a que os suyos actos no tendrán eficacia u valideza churidica, por ixo una persona con capacidat churidica, no tiene capacidat d'obrar, ya que per ser menor d'edat, no podrá exercer ixes dreitos per ella mesma. Asinas, tot tenendo capacidat churidica no tendrá capacidat d'obrar, ya que os suyos actos no tendrán eficacia churidica. Pero malas que arribe a la mayoría d'edat u a emancipación amás de capacidad churidica tendrá capacidad d'obrar, ye decir, tendrá aptitut ta fer actos con eficacia churidica.