Caligrafía
A caligrafía[1] (d'o griego καλλιγραφία) ye l'arte d'escribir emplegando signos polius. Se tienen dos definicions: d'una man, ye l'arte d'escribir con letra artistica y correctament formada,[2] seguntes diferents estilos; d'atra man, ye o conchunto de trazos que caracterizan a la escritura d'una persona u d'un documento, estudiaus por a grafolochía.
Una definición contemporania d'a practica d'a caligrafía ye "l'arte de dar forma a los signos d'una traza expresiva, armoniosa y elegant".[3]
A historia d'a escritura ye una historia d'evolucions esteticas enmarcadas por as habilidaz tecnicas, velocidat y limitacions materials d'as diferents personas, epocas y puestos.[4]
A caligrafía abarca dende creyacions de tot utilitarias dica magnificas obras d'arte a on que a expresión abstracta (u no) adquiere mas importancia que a lechibilidat d'as letras.[3] A caligrafía clasica ye diferent d'a tipografía y d'a escritura manual no clasica, encara que un caligrafo puet estar capaz de fer-ne tamién.
En Espanya y per tanto tamién en Aragón, mientres a posguerra estioron muito populars os cuadernillos Rubio, ideaus por Ramón Rubio que estioron utilizaus en os colechios como reforzo pa que os estudiants aprendesen a fer los primers trazos u pa perfeccionar la suya caligrafía.
Se veiga tamién
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Enciclopedia Ilustrada Cumbre,(1984),Tomo 3,Editorial Cumbre, S.A.ISBN 968-33-0066-9.
- ↑ 3,0 3,1 Mediavilla 1996
- ↑ Diringer 1968: 441
Vinclos externos
[editar | modificar o codigo]
Se veigan as imáchens de Commons sobre Caligrafía.
| Control d'autoridaz |
|
|---|
Datos: Q12681- Multimedia: Calligraphy / Q12681