Botiguero

Una botiguera en a suya botiga

Un botiguero, vendedero u vendero (u botiguera, vendedera u vendero si ye muller, tamién existe a variant botiguer) ye un minorista u comerciant; aquell que poseye u chestiona una chicota botiga. Por un regular, os emplegaus d'una botiga no son botiguers, pero a sobén les ne diz incorrectament asinas. En as interpresas más grans, o botiguero gosa decir-se cherent, ya que o propietario no puet chestionar o negocio estando nomás un botiguero, por lo que iste termín podría aplicar-se a las interpresas más grans en general.

Descripción

Os botiguers pueden chestionar a suya propia botiga de barrio independient u dirichir una botiga franquiciada en nombre d'una cadena minorista. A esferencia d'os directors de botiga, que gosan treballar pa una gran interpresa, os botiguers gosan estar os responsables chenerals d'una botiga. Entre os botiguers independients se troban (pero no nomás) os encargaus de botiguetas, quioscos de prensa, os carnicers, os panaders, os librers, os floristas y os antiquarios.

Un botiguero puet atender a os clients en un mostrador y fer atras funcions, como cobrar o pagos d'os clients, dar o cambeo, aduyar a os clients y embolicar os regalos y as crompas. A mayor parti d'o tiempo, os botiguers responden a las consultas d'os clients, les aconsellan sobre os productos y ascuitan as suyas necesidatz y peticions, que pueden endicar nuevas oportunidatz de venda. Tamién calculan a recaudación diaria, paran os salarios, ingresan os diners en o banco, levan a contabilidat y fan o inventario pa asegurar-se de que as existencias son disponibles siempre.

Un botiguero tamién fa pedius d'existencias a mayoristas, fabricants, achents y importadors.

See also

• Se veigan as imachens de Commons sobre botiguers.
• Botiga