Apotica

Una apotica^[1], botica^[1] (u potica^[1] en tensino, d'o griego antigo ἀποθήκη) u farmacia^[1] (d'o griego antigo φαρμακεία) ye un establimiento a on un apoticario (licenciau de l'aria de farmacia) exerce a farmacia, proporcionando servicios de salut a os usuarios dispensando merecinas y atros productos de parafarmacia como productos de cosmetica, alimentos especials, productos d'hichiene personal, etc.

L'apotica ye un establimiento privau d'intrés publico, l'apoticario ye o encargau de l'atención a l'usuario, que implica en primeras o seguimiento farmacoterapeutico, l'acto en si mesmo d'a venda, o control y indicación d'as dosis, o control d'as posibles interaccions y a correcta conservación.

Por definición a merecina ye un bien esencial, que fa que l'apotica siga un establimiento d'intrés publico. L'apoticario u tecnico en farmacia, no fa simplament a venda d'o producto, si no que tamién s'encarga de l'asesoramiento de l'usuario, pa aconseguir un uso responsable d'as merecinas y a chestión de datos correspondients.^[2]