Vriolín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vriolín
Vriolín
Clasificación
Instrumento de cuerda rascata
Tesitura
Intrumentos relacionaus
Viola, violoncello y contrabaixo
Musicos
Vriolineros

O vriolín (tamién dito vigulín, violín, violón u vriolón) ye un instrumento musical de cuerda rascata de cuatro cuerdas que cal tocar con un arquet. Huei lo diya, iste ye o miembro mes chicolón y de sonito mes acuto de tota a familia d'es instrumentos de cuerda rascata, descendient d'a lira de baccio, a cual conta con o vriolín alto (viola), o violoncello y per partis d'o contrabaixo; marchinalment ista familia heba tenito un vriolín piccolo, un violoncello tenor, un vrioloncello piccolo y encara mes eixindo-ne una octava mes alta u mes baixa que a o contrabaixo, a octavasa que se tocaba con dos musicos (l'uno ta premsar con es ditos contra d'o diapasón y l'altro ta tocar con l'arquet). A parola vriolón ye de fonetica gascona y no ye a mes regular en l'aragonés, a on s'emplega per mes usual a forma vriolin, que bien de l'italiano "violino", que fa significato de chiqueta viola. O musico qui el toca ye o vriolinero, vigulinero u vriolinista y l'artesán que el fabrica diz que ye o "lutier" (qui a sobén treballa de conchunta con l'arqueter qui fabrica es arquetz).

L'arquet ye feito de fusta y de crineras de caballo rascatas contra d'a colofana (feta de resina de pin) dica que s'apegan enta la cuerda en fer-la mimbrar. As cuerdas d'o vriolín son afinatas en quinta d'o compás siguient (d'a mes grau enta la mes acuta): Sol, Re, La y Mi. Huei lo diya gósan a ser fetas d'acero mientres que a la epoca barroca y clasica en yeran mes que mes de tripa de uella, y no pas de gato como una viella falordia en heba dito.

Son famosos y los mas valorados los vriolines fabricaus per los tallers de Stradivarius, Amati y Guarnerius mientres lo sieglos XVI-XVII, se suposa que la suya calidat, antiparte d'estar uns grans fabricants se debió a unas caracteristicas climaticas especials que i habió mientres ixa epoca, afectando a lo creiximiento d'a fusta y d'as lacas y pegamentos usaus que les dotó d'una sonoridat especial.

Vinclos externos

• Se veigan as imáchens de Commons sobre o vriolín.

Iste articlo ye un borrador. Enamplando-lo aduyarás a amillorar a Biquipedia.

• Datos: Q8355
• Multimedia: Violins / Q8355